EHLAM HECÎ / DELÎLA AXÎN / JINNEWS /ŞENGAL
Bi xoverdayîş û qehremanîya şerwanê azadîye her roje cinî û domanê êzidîyî destê çeteyan ra yenî rizgarkerdiş. Çend rojî verê 2 cinîyî û domanêkî Dêra Zorê de destê çeteyan ra ameybî rizgarkerdiş û teslîmê keyeyê înan ameybî kerdiş.
Badê ke resayî keyeyê xo şîranî ame vilakerdiş û qiseykerdişî ameyî kerdiş. Babete ser o ser nameyê Tevgerê Azadîya Cinîyanê Êzidîyan (TAJÊ) Zahra Silêmane qisey kerde.
Zahra Silêmane va ‘ma kesê ke ameyî rizgarkerdiş ra vanî xêr ameyî’ û wina dewam kerde: “Dişmenan waştêne dest ronî çîyanê ma yê pîrozan ser de, labelê sernêkewt. Ewro rojêka tarîxî ya; çimkî cinîyê êzidîyî bi xoverdayîşê xo cinî û domananê xo rizgar kenî. Ma spasîya YPJ, YPG û HSDyî kenî ke nê cinî û domananê ma destê çeteyanê DAIŞî ra rizgar kerdî. Seba ke ma xo bi fikir û felsefeya Rayber Apoyî perwerde kerdo, dişmen nêşeno bi ma.”
Ez zaf kêfweş bîya
Dayîka bi nameyê Xezal Elîye va ‘ez ewro zaf kêfweş a ke kênaya mi destê çeteyan ra ameye xelisnayîş’ û wina domnaye: “Heto bîn ra ez xemgîn a; çimkî hîna keyeyê mi ra xeylê kesî destê çeteyan de yî. Ma spasîya heme kesê ke xover danî kenî.”Cinîya bi nameyê Bêrîvan Xanime zî wina va: “Ez seba ke destê çeteyan ra ameya rizgarkerdiş zaf kêfweş a. Mi bawer nêkerdêne ke ez do rojêkî destê çeteyan ra rizgar biba. Ez zî spasîya xo embazan rê kena.”
Qiseykerdişan ra dima cinî û domanê ke rizgar bîyî teslîmê keyeyê înan ameyî kerdiş.