XALID EL-CÛMA / EHMED SEMÎR ANHA/ HESEKÊ Şerwanê Hêzê Sûrîyeya Demokratîke (HSD) demêko derg o ke Hemleya Firtineyê Cizîrî danî domnayîş û başûrê Hesekê de vera çeteyanê DAIŞî de têkoşînêko gird danî. Şerwanî her roje cayanê cîya-cîyayan destê çeteyan ra xelisnenî. Ame musayîş ke şerwanan çarçewaya hemleye de dewê Şemas û Hilwe ke 18 kîlometre dûrê qezaya Şedadê de yî azade kerdî. Şerwanan ra Hisên El-Hemdîyî derheqê hemleye de melumatê muhîmî dayî. Hisên El-Hemdîyî va ‘çeteyê DAIŞî dewijan sey tirsê ganî xebetnenî’ û wina domna: “Ma do heta ke heme dewê herême yenî azadkerdiş, operasyonî bidomnî.” Şerwananê HSDyî dewê ke ameyî rizgarkerdiş de xebatê pakkerdişî dayî destpêkerdiş.