13ê Gulane de dewa Baxozî ya Derazorî de 2 şerwanî şehîd kewtbî. Nînan ra yewe şerwano enternasyonalîst Kendal Ramon (Ramon Marîa Rull Lînhoff) bi. Ame musayîş ke Ramonî wesîyet kerdo ke Rojawan de bêro definkerdiş. Cok ra Ramon çarçewaya wesîyetê xo de Dêrik de ame oxirkerdiş.
Şarê Dêrikî cenazeya Kendal Ramonî Nêweşxaneyê Şehîd Hogirî ra girewt û bi konvoyî berd Şehîdgehê Xebat Dêrikî. Ser nameyê Taburê Enternasyonalîstê YPGyî Heqî Niviskarî qiseykerdişêko bi îngîlîzkî kerd. Nivîskarî qiseykerdişê xo de wina va: “Ramonî bawerîya xo bi fikranê Rayberê Şarê Kurdî Abdullah Ocalanî ardbî. Ma do heta peynî rayîrê şehîdan taqîp bikerî.”
Qiseykerdişan ra dima cenazeya Ramonî bi tilîlî û siloganan ame oxirkerdiş.
ANHA/QAMIŞLO