Koordînasyonê PAJKî derheqê Şevîn Bîngole (Hulya Kule) ya ke Eyaletê Erziromî de şehîd bîye de eşkerayîyêk daye û bale ante şexsîyetê Şevîne ser. PAJKî dayo zanayene ke Têkoşînê Azadîya Kurdistanî bi bedelanê girdan aver şino.
PAJKî vato ‘fermandaranê tevgerê ma ra embaza ma Şevîn Bîngole Eyaletê Erziromî de netîceyê pêrodayîşî de bi qehremanîye şehîd bîye’ û wina dewam kerdo: “Hemraye Şevîna ke semedê afernayîşê azadîya cînîyan têkoşîn kerdêne, emrê xo dabi têkoşînî û xeylî wareyanê leşkerî û îdeolojîkî de aktîf ca girewt. Hemraya ma Şevîna ke şar, welat û kulturê xo rê giredaye bî, bi eşqê azadîye vera dişmenî de têkoşîn dayêne ,mîyanê mîlîtananê tarîxî de cayê xo girewt.”
PAJKî dîyar kerdo ke Hemraye Şevîne têkoşînê xo yo dergî de her wareyo ke tede mende mîlîtanîya PKK û PAJKî aver berd û wina va: “Embazanê xo rê nimune bî û bi xurtî rayberîya azadîya cinîyan kerdêne. Her wext kura de mücadele dayene hewce bikerdêne, aye ûca de cayê xo girewtêne. Timûtûm tewirê xo yê biqerar, raybere û şerwane ramotêne. Verê hêrişê dişmenî û polîtîkaya îmhaye de pawitişê şarê xo de wezîfeyê xo bi serkewtiş bica ard.”
Têkoşîê azadîye ameyo merhaleye serkewtişî
PAJKî peynîya eşkerayî de wina vato: “Dewleta Tirkî ya dagîrkere ra hesab yeno persayene û do persayîşê hesabî dewam bikero. Têkoşînê azadîyê yê şarê Kurdî û cinîyanê Kurdan ameyo merhaleyê serkewtişî. Ma do xeta şehîdan de têkoşînî gird bikerê û ser bikewê. Embazê ma Amargî Zîlda, Bahoz Welat û Dijwar Zagros ê ke pîya bi hemraye Şevîne şehîd bîyî, ma şexsê înan de heme şehîdanê xo yad kenê û sozê azadîye û serkewtişî newe kenê û keyeyanê şehîdan û şarê xo rê serweşîye wazenê.”
ANF/BEHDÎNAN