Ji ber ku zivistan pir sar e û berf zêde ye, kaya welatiyan zû xelas bû û neçarin ji derve kayê bistînin. Welatiyên ku di demsala havînê de kanînên xwe tije ka nekirin, niha neçarin kayê bi pereyekî buha bistînin. Li Mûşê pişti berfa zêde bariya û êmê sewalkaran qediya dest bi kirîna kayê kirin. Piştî kirîna kayê zêde bû buhayê kayê jî zêde bû. Buhayê tona kayê ji 600 TL'yî derket 800 TL, bihayê yem jî derket 900 TL’yî. Buhayê goşt jî dijberî vê yekê ji 25 TL yan daket 13 TL’yan.
Sewalkarê bi navê Ahmet Solgun, diyar kir ku ji ber êm buha dibe û lêçûna xwedîkirina sewalan buha dibe pir zahetiyan dikişînin. Solgun, anî ziman ku li aliyekî ka, ceh, êm buha dibe û li aliyê din goşt erzand dibe û wiha nerazîbûnên xwe anîn ziman: "Ji ber zivistanê dirêj ajot û berf û serma gelek zêde ye bandora xwe li ser buhayê ka ûceh kir. Berê ka ji Riha, Amed, Sêrt û Êlihê ji mere dihat. Lêpiştî rê hatin girtin êdî wekî berê zêde nayê û buhayê wê zêde bû."

Welatiyê bi navê Ercan Ozer jî anî ziman ku îsal zivistanek pir dijwar dijîn û ji ber vê yekê sewalkarî pir zahmet bûye. Ozer, da zanîn ku zivista sar û berfa zêde ew xistin nava zahmetiyan û wiha got: " Ji ber em kayê didin pez, şîr kêm e. "

MÛŞ