Merkezê Dêrsimî ra girêdaye Newala Kutu de netîceyê bombardumanê hewayî û bejayî yê hêzanê dewlete de şewat vejîyayo û şewat her ke şono hîrayêr beno. Şewato ke 22ê êlule ra nata dewam keno, her ke şono herêmêka hîrayêr ser o vila beno. Destûr nêdîyena ke kesê zerrîdarî şêrî şewat hewna bikerî. Zerrîdarî danî zanayene ke şewatî yenî manaya qetilkerdişê tebîetî û dîyar kerdî ke şewatî bi hawayo qestî yenî vetene.
Zerrîdaran ra Nadîr Bulutî va dewlete bi hawayo zanaye daristanan veşnena û wina dewam kerd: “Dewlete wazena herême bêmerdim bikera. Cok ra destûr nêdîyeno ke ma şewat hewna bikerî. Veşnayîşê daristanan suc o. Ganî dewlete demêko raver fek veşnayîşê daristanan ra verabido.”
DÊRSIM