Badê xêlê cayan, qezaya Riha Sêwereg de Kurdî-Der hewl dana ke kursê ziwanî yê bi kurmanckî û dimilî bidero. Qandê dayişê kursî Kurdî-Der wexteko serpirodayişan gêna.
Mamosteyî wendekaran pawenê
Rayverîna Kurdî-Der yê Sawereg ra Dengtaf Ozbadem aşkere kerd ke, kursî dê bi lehçeyanê kurdî dimilî û kurmancî de bîrê dayiş. Ozbadem’î da zonayen ke 3 mamosteyî qandê kursê kurmanckî û 1 mamoste zî qandê dayişê perwerdeyê bi dimilkî ameyê wezîfedarkerdiş.
Serpirodayişî ramenê
Dengtaf Ozbadem’î vist vîrî ke, ziwanê kurdî netîceyê qisey nêkerdiş de her ke şino beno vinî. Ozbadem’î da zonayiş ke, qandê verîgirotişê vinîbiyayişê ziwanî, zey Kurdî-Der ê wazenê şarê xo rê xîzmetê damusnayişê ziwanî bidê. Kurdî-Der a Sêwereg aşkere kerd ke, kesê ke 18 sere ra girdî yê şenê serpirodayişê înan bikerê. Kursê ziwanî dê rojanê Sêşeme û Pancşeme bîrê dayen. Kursê sifte vizêr destpa kerdî.
SÊWEREG