Sermiyananê TEDAŞ waştî taxanê Esmerçayir, Dîcle û Gulabibey de hejmkarê zerreyê keyeyan de yê, vejerê panoyê kuçeyan. Na waştena TEDAŞ raştê hêrs û nêrazîbiyenanê ronişteyanê taxa Dîcle yê Sûk ame. Ser nêrazîbeyenê welatijan, sermiyananê TEDAŞ veng da polîsan. Welatijê ke nê biyayişan rê nêrazîbiyen damisnenê vanê, TEDAŞ marê emel nêkeno, ma çira ci rê emel bikerê? Ebi na kerdin ra piya, welatijî îdia û guman kenê ke, TEDAŞ do înan rê malnameyê berz birişo.
Wazenê Sêwereg açarnê Farqîn?
No hewildayenê TEDAŞ tenya Riha de yeno ferzkerdin û startê ci Sêwereg de yeno dayen. Welatijan veng da sermiyananê Tedaş ke nê hewildayenan ra fek viradê.
Welatijan mudaxaleyê polîsan rê zî nêrazîbiyen damisnay û persa ‘taynî wazenê tiya açarnê Farqîn’ kerdî? Mixtarê mehleya Gulabibey İbrahim Çetin’î nê biyayişan rê nêrazîbiyen damisna û va Tedaş welatijan rê zilm keno.
Çiyê balkeş no yo ke, nê taxê ke TEDAŞ zilm keno weçînayinanê peynî de HDP zey partiya jûyîn vejyabî.