Bi wesîleyê roi, Bakûrê Kurdistan’î de mitîng, rayşiyîn, panel, semîner û 0^ºplatformê renginî viraziyenê. Pêrokîn aktivîteyan de cenî aşkere kenê ke, sînorê şîdet çinyo. Şîdet şexs dê ceniyan de, pêrokîn civakî hedef kena. Nayî ra ceniyê ke meydanan de yê, verra şîdeta pêroyî hayr ancenê tekoşîna piyayî ser.
Sêwereg de cenî vejyay meydanan
Bi wesîleyê 25’ê Mijdar roja tekoşîna verva şîdetê ser ceniyan, qezaya riha Sêwereg de zî nûmayişê protestoyî viraziya. Rayşiyîno ke hetê platformê ceniyanê Sêwereg viraziya, parqa Lezgo de destpa kerd û heta parqa Ağuçhan dewam kerd. Nûmayiş de panqarta ‘şîdetê camêrdan îdeolojîk o, pawitenê rewa heq o’ abiya. Herzewbîn dowîzê zey ‘cenî ciwyan azadî’, ‘şîdeta verra ceniyan rê nê’ hewadiyal.
Ser nameyê platformî Încî Korkmazî qisey kerd û hayr ant polîtîkayanê ceniyan yê AKP ser. Korkmaz va: Bi îxtidara AKP ra piya şîdetê verra ceniyan bi vêşî-jêde. Korkmaz veng da pêrokîn ceniyan ke, verra şîdet meydanan de bê û tekoşîna xo berz kerê. Sêwereg de heta 25’ê Mijdarî nûmayişî dê biramê.
Dersim de formê ceniyan
Platformê ceniyan yê Dersim, rîwalê 25’ê Mijdar bi nameyê ‘şîdeta dewleta camêrd’ forum organîze kerd.
Ceniyê ke meydanê Seyît Riza de amey têlewe, derheqê babedî de vînayişê xo ardî zon, munaqeşe ramitî. Ser nameyê ‘ceniyê genc yê azad Şevîn Sögut qisey kerd, qetlîamê Pirsûs vist vîrî û kesê ke qetlîam de weşiya xo kerdî vinî vîrard. Sögut va, tekoşîn û omidê pêrokîn ceniyê ke ma kerdî vindî, ma girotî ser xo. Ebi genc û pîr ma dê dest bide dest û na tekoşînî biresnê serkewtişe.
Verra şîdet xo tenzîmkerdin
Sögut hayr ant xopawiten ser û niya dewam kerd: Xopawiten heqê do rewa yo. Verra şîdetê camêrd û dewlet gune rêxistinbiyîna xo û tekoşîna xo hona jêde berz bikereme. Jê cayanê bîn, Dersim de kî heta 25’ê aşmî nûmayiş û aktivîteyê ceniyan dê dewam bikerê.
Ewro cenî dê paşt bidê gurekarê ‘Munzur Su’ yê ke grev de rê. Û malbatê gerîlaya YJA Star Ebru Öz (Omedya Sefkan), a ke operasyonê 15-19 Cotmeng de Pilemuriye de weşiya xo kerd vinî ziyaret bikerê.
25’ê aşmî de seweta vîrardena Meral Timtik, ya ke 24’ê Tebaxî de hetê merdeyê xo amê kisten, ver vîradena azadî de damûstayin bide çapemenî.
SÊWEREG/DÊRSIM