Kiştoxan lanet keme
Kiştişê Elçî zey xeylê sûk û qezayanê bîn Sêwereg de zî raştê nêrazîbiyenan ame. Qeza d roja Pancşem, bi seyan kes seatanê verra şan de Meydanê Kanlikuyu de are bî û verra kiştişê Elçî nêrazîbiyenê xo damusnay. Nûmayişkaran panqarta bi sernuşteyê ‘Operasyonanê siyasî, îşkenceyî û kesê ke Tahîr Elçî kiştî lanet keme’ akerdî. Herzewbîn sloganê zey ‘şehît nêmirenê’ berz bî.
Hemserokê qeza yê HDP Îbrahîm Ayyildiz’î nûmayiş de qisey kerd û hayr ant kiştişê Elçî ser. Ayyildiz’î aşkere kerd ke Tahîr Elçî, o ke qiseyê ci yê peynî ‘haşitî’ bi ame kişten. Hemserok Ayyildiz’î hewildayenê Elçî yê qandê ‘Mînareya çehar lingî’ vistvîrî û hayr ant kesayet û tekoşîna Tahîr Elçî ser.
SÊWEREG
Şexsê Elçî de gule vornay haşitî
Pîrê Alewiyan kî kiştişê Tahîr Elçî rê nêrazîbiyen damusnay û ardî zon ke, guleyê Elçî vûrniya haşitî. Pîran ra Zeynelê Kedeklî aşkere kerd ke, Elçî bi kamiya xo ya roşnbîr û bi tekoşîna xo ya haşitî ame silasnayen. Kedeklî vistvîrî ke Elçî ti wext nêheqî qebûl nêkerd. Kedeklî cînayet zey sûîkasta diyîn yê Parîs biname kerd.
Alî Ekber Fîkîr’î zî aşkere kerd ke, elçî yê haştî bi û kiştoxan lanet kerd. Fîkîr’î va, kiştişê Elçî serva haşitî derbe yo. Guleyê verra merdimî yo. Eke tarix niyademe, vîneme kesê ke raştî ardî zon ameyî kişten. Alî Ekber Fîkîr ano zon ke Tahîr Elçî rojanê tarî yê tirkiye de jû mûm fiştra ci û waşt pêrokîn sermiyanî na qetlîam roşnî bikerê.
ANF/DERSIM