Wendekarê Zangeha Mûnzûr Şerdil Cengîz, 14ê Kanûne de, Amed Baxlar de, nûmayişê protestokerdinê ablûqayê Sûr de, hetê qûwetanê dewlet ame qetilkerdin. Wendekaranê Zangeha Mûnzûr rîwalê qetilkerdişê Şerdil Cengîz mekteban boykot kerd. Wendekarî raştê tehdîdanê wezîfedaranê perwerde amey.
Alwozê Cengîz’î seweta protestokerdinê kiştişê mekteban boykot kerdî û nêkewtî dersan. Wendekaranê Mektebê Karbendê Berz yê Melkişî kî paşt day boykot û nîkewtî dersan.
Wendekaran rê bi maîl tehdît
Wendekarê ke dersan boykot kerdî, raştê tehdîdanê wezîfedarê perwerde Alper Aslan amey. Hetê emaîl’a Alper Aslan taynî wendekaran rê mesaj amê rusnayen. Mesaj de niya vajiya: Kesê ke nînê dersan, eza dersê înan bida, wa haya herkesî bibo. Alwozê şima yê ke, nîkewnê dersan îqaz bikerê. Na babed de çi hewce bikero, ezo ey bikera.
Wendekaran aşkere kerd ke, îye de derheqê wezîfedarê perwerde Aslan’î de gerreyê sûc bikerê. Wendekaran aşkere kerdî ke, îye de verra tehdîdan milê xo çewt nêkerê û boykotî biramnê. Boykotê mekteban dê heta roja Dişembe biramê.
Xêma serwesî
Heta bîn ra, Wendekaranê Zangehê Dersim, serva Cengîz, Meydanê Çarşiyê Yeralti yê Dersim de xêma serweşî rona. Xêm de resîmê Cengîz ame aliqnayen.
Herzewbîn panqarta “Teslîmiyet bena îxanet, xoverdayiş bena serkewtiş” û “Hesabê perskerdişê şehîdî wezîfeyê ma yo” ronay. Wendekarî dê heta roja Dişembe serweşiyan qebûl bikerê.
DÎHA/DERSIM