Keyeyî qeçek, pîl, cenî, camêrd her kes ancîya bi rêzan. Engure ancenê cayê kergî (mehsereyî), awa engure vejenê, leyanê (qazanê) pîlan dew girênenê û aye ra dima dest kene ci aqit, bastiq, kesme û sucix virazenê.
Zey qeydeyanê verênan
Şarê qezaya Riha Sêwregî rez ra engure aredanê û aqit û bastiqî zey qeydeyanê verênan virazenê. Sêwregijî engure ra bastiq; aqit,kesme û sucixê gozinî virazenê û bi no qeyde debara xo nane ro. Engurî kergeyî de bi lingan yenê pelexnayene û awa enguran qazananê pîlan de êna girenayêne, bi no qeyde aqit yeno viraştene. Reyna kesme û sucixî zî bi no qeyde virazîyenê. Hemwelatij Resul Bayraktarî qiseyî kerd û vist vîrî ke ê bi qeydeyê verênan mehsûlanê xo virazenê. Bayraktarî va: "Naye ra des-pancês serrî aver dewa ma de rezî zaf zede bîyî. Naye ra ver ma yew kerge de 10 rojî xebetîyenê û ma mahsere qedênenê, la ewro jû rojî de qedîyeno. Çunke rezî de mehsûlî zaf bîyê kêmî.
SÊWEREG