Şewa ke Harbûrg de virazîya Îdarekar û azayanê CÎK ra pîya bi seyan welatijî tewr bî. Vîrarden de komanê cîya îlahî û muzîkî day goşdarîkerdiş. Parlamenterê HDP yê Riha Osman Baydemîr ke bi telefon tewrê vîrarden bi hayr ant Peymanê Sykes-Pîcot ser û da zonayen ke, na peyman sebebê qetlîamanê Vakûrê Kurdistanî ya. Parlamentera verêr yê Sêrt yê HDP û Azaya Şûrayê Kongreya Îslamîya Demokratîk Hatîce Sevîptekîn ke şewe de qisey kerd ard ziwan ke serra 2016î de hewno zî Tirkîye hiqûqa gerdûnî yê însanî qebûl nêkerda. Sevîptekîn vist vîrî ke toximê ke Şêx Seîdî eştî erd ewro Kurdistan de jîl danê û aşkere kerd ke zilmo ke Komara Tirkîye 1625î de da destpakerdiş ewro hetê hikûmeta îslamîst rameno.
Çiqe wayrê şarê xo vejînê?
Sevîptekîn hayr ant xoverdayişê şarî yê verra zilmê dewlet ser û persa, ‘ma ewro çiqe paşt danê şaro ke qijê ci yenê qetilkerden, cenazeyê ci bi rojan erdî de manenê’ kerd.
Parlamentera verêr yê Sêrt yê HDP Hatîce Sevîptekîn ard ziwan ke leyê şarî de ca girewtiş wezîfeyê însanî yê herkesî yo. Azayê Lîjneya Îdareyê CÎK profesorê tefsîrî Nurettîn Tûrgay ke vîrarden de qisey kerd da zonayen ke dînê îslam hetê îxtidaran ray ra yeno vetiş û goreyê menfeatanê xo yeno şixulnayiş. Tûrgay’î vist vîrî ke îslam semedê pêrokîn însanan o, cîyakarî nêkeno û da zonayen ke zewcîyayişê bi zorî û qedexekerdişê heskerdişî çiyê ke dûştê îslamîyetî yê.
Tornê Şêx Seîdî çokê xo ronêdayî
Serokê CÎK Hafiz Ahmed Turhalli zî hayr ant xoverdayişê Şêx Seîd û alwozanê ci ser û da zonayen ke xoverdayişê Şêx Seîdan ewro hetê tornanê ci yeno ramiten. Turhalli vist vîrî ke tornê Şêx Seîdî vanê “Ma xover da, çokê xo ronêdayî, bi ma ra serberzî bê” û aşkere kerd ke Homa (Haq) zaliman het de ca girotişî zey sûc hesibneno. Hafiz Turhalli aşkere kerd ke îye de vera nê zaliman xover bidê, hesabê Cizîr, Sûr, Nisêbîn pers bikerê û ala xo Amed de ronê.
ANF/HAMBÛRG