Ewro 13ê Sibatî ya, rojê destpêkerdişa Serhildana Şex Seîda.

13ê Sibatê 1925 de arteşa Tirk erzeno ser Pîranî.
Wexto ke erzeno ser Pîran, Şex Seîd zi uca di bi.
Manekî zî vîrazeno. Şex Seîd înan ra vanî, tayî qaçaxê eskerî estî ma seba înan ameyê.
La raştî hina nîya. Wazenê hina bikerenê ke, yew ser û bet bi virazenê Şex Seîd înan bigerenê.
La Şex Seîd nê kayê vîneno û eskerê Tirkan ra vano.
”Biewnê nika kare ma   esto.
Şima şîyerenê, wexto ke kare ma xelas bi u cax biyerenê”.
Şex Seîd hina vano û la Şarê Kurdan na heqeretê eskerê Tirkan qebul nêkenî.
Ciwanê Kurdan wirzenî vanî “Perodo Paşa Çîno”.
Bi hina zulmê Tirkan qebul nêkenî, perodanî  û çend eskerê Tirkan kişenî, ayê bînan zî esîr  genî.
Bi nayê ser û bet Serhildanê Şex Seîd destpêkena.
O wext hemê şarê Pîran, Darahenê, Lîce, Henî, Erxenî, Miyaran, Qerebegan, Palî, Bongilan, Kanîreş, Azarpert, Maden, Pasur, Gêl, Xinis, Gimgim,  Muş û der û dor sere xo wederenê û kewnî şer.
Peyînê peyînê de Serhildana Şex Sêîd ser nêkewna.
Xayînîya  Qor Qasim înan bena. Şex Seîd înan esîr kewnî destê Tirkan-Romê bêbext-.
Wexto ke Şex Seîd û 46 hevalê îyê Amed de yenî aleqînayîş, wasîyetî xo zî vanî. Biewnê wasîyetê Şêx Seîd, Hecî Sadiqê Valerî înan çi bi.
La biewnê tornê Hecî Sadiqê Valerî Kazim Ataoxlî û tornê Feqî Hesêne Modanî, Abdurrahman Arîç înan sekenî.
Wexto ke Şex Seîd yeno aleqinayîş hina vano, “Peyînê emrê mi ê dînya ame. Ez seba netewe xo yena aleqinayîş, ver nayê ez pêşman nîya. Tena wa tornê ma,  ma ver dişmenê ma miyanê şerm de nîverdenê besa”.
Xalîdê Cibran Begî bi hers hina qise keno. “Ez ver şima tena nîya. Paştê mi de Aryen-Îran-, Mezopotamya û Tirkiye de netewa Kurd a gird esta. Şima ewro mi aleqinenî la qet şika mi çina ê siva tornê ma, şima qirbikerenê-çîn-“.
Wisif Zîya Beg zî bi ser berz wasîyetê xo hina vano.  “Ez kewtî bi şik, mi vatenê qey şima bi rutbi û bi kursî ma bixapînê. La ez şûkir kena ke, şima bi gulê û bi resne vejîyê verenîye ma, seba naye ez qet pêşman nîya. A dersa ke şima da ya, ver na dersê ê tornê ma heyfê ma şima re bigerenê.
Xanîzade Şaîr Kemal Fewzi  Bedlîsî wasîyetê xo da no tewir qal keno, “Kurdîstanê sey cennet ê may o. Ma wayîrê kîyê, kam se vano wa vajo, ma reyna kewnê zerîyê, yew quwwet nêeşkeno tengî virazo, çûnkî ayê mayo”
Şaîr Mela Abdurrehman Sêrt vano. “Sefîlanê!..Ez binê lingê xo da şima zaf qijkek vînena”.
Bi zane ke, Kurd dar nîyo, nîyeno tewnayîş”.
Sorekê Êşîra Ziktê Hêcî Sadiqê Valerî zî bi hers hina qisê keno. “Ê qijanê-tut- no erdî ma fambikerenê.  Ê hem ma ra dueyan bikerenê hem zî heqbunê ma bipawenê û ma ra çepikan perodanê”.
Serwerên Serhildanê Şex Seîd hina vanî, la tay tornê serwerên Şex Seîd sey tornê Feqî Hesên, Şarêdare Darahenê Abdurrahman Arîç û tornê Hecî Sadiqê Valerî, parlamentê kanê Kazim Ataoxlî gora wasîyetê kal û pîranê xo nîkenî.
Xayînî kenî. Abdurrahman Arîç faşîstî keno. Kam dişmenê kal û pîrê îyê Feqî Hesên o. Arîç, înan ra hevaltî keno. Muhsîn Yazicîoxlî dişmenê Kurdan bi, Arîç, mîlîtanîyê îyê keno.Darahenê de nameye yew parqî bedilno û kerdo Parqê Muhsîn Yazicîoxlî.
Tornê Hecî Sadiqê Valerî, Kazim Ataoxlî zî partiya ke dişmenê Kirdana, sey partiya AKP de parlementerî keno. Hina vano, “kam ke, hemverê dewlet vejiyo heqkerda kî dewlet îyê aliqnava. Ma pê dewlete xo genî”.
Hecî Sadiqê Valerî qebrê xo ra bi wirzo nayê tornê xo sey Abdurrahman Arîç û Kazim Ataoxlî ra se vatenê gelo.
Bena tornê hina xayîn bibine. La tornê bîn sey gerillayên Kurdîstan yew bi yew wasîyetê serwerên Serhildanê Şex Seîd anî ca.