Tertelê Dersim ke 4ê Gulana 1937 de destpa kerd, netîceyê ci de bi hezaran sivîlan weşîya xo kerd vinî, bi hezaran bî koçber û bi hezaran zî bî vindî. Seweta vîrardenê qurbanîyanê Tertelê, Dersim de ewro ra tepya merasîmî virazîyenê. Verîya vîrardenan vizêr sûk de kombîyayîşê çapemenî virazîya. Kombîyayîşo ke banê HDP yê sûk de virazîya de, Parlementerê sûk yê HDP Alîcan Onlu qisey kerd.
‘Planê qetlîamî ramenê’
Onlu, da zonayen ke Qetlîama Dersim verîya 80 serran, 4’ê Gulana 1937 de, bi qerarê Lijneya Wezîran dest pakerd. Onlu vist vîrî ke Qetlîam bi zanabîyayen, bi plan û bernameyan vistî merîyet û va, “No zî bes nêdî, hona zî dûştê îtîqatê‘Raa Haq’î, dûştê kok û hiqûqa qomî dismenî ramena.” Alîcan Onlu aşkere kerd ke ‘Plana qetlîama verîya 80 serran, qirkerdiş û dişmenî hona zî ramena.’
‘Vîrardenî dest pêkenê’
Parlementer Alîcan Onlu vist vîrî ke, her çendî ewro karekter vurnîyayo zî, îmhakerdişê tarîx û kulturê Dersim rameno. Onlu gamê ke gune dewlet bierzo hina rêze kerd: “Demo vîyarteyo ra rî bi rî menden, werte ra wedarnayîsê mexdûrîyetan, seba ke qirkerdişî newe nêvirazîyê, gamê bingeyîn ê ke dewlet gune bierzo. Heta ke nê gamî nîrê esten, haştîya qomî nîna.”
Onlu herzewbîn pêrokîn akademîsyen, nuştox, rojnameger, hiqûqnas, dîrokzan û pêro saziyanê Dersim, parlamenteran dawetê vîrardena “Seyîdanê xo yad bikeme, 1937-38 xo Vîra nêkeme” ke 4ê Gulane (ewro) de merkezê Dersim de virazîyena, kerd.
Seba vîrardenê Tertelê Dersim ewro saet 15.00î de bi nameyê “38’î ra heta roja ewro Qetlîama Dersim” panelêk virazîyeno. Panelî ra dima, saet 17.00’î de zî Meydanê Seyîd Riza de do merasîma vîrardene bîro viraşten.
DERSIM