Hevserokînê Konseyê Rayverîn ê KCK sernî de şîdetê verra ceniyan protesto kerd û vistvîrî ke, şîdetê verra ceniyan, şîdetê vera pêrokîn merdimî yo. KCK ard ziwan ke, roja ke şîdetê verra ceniyan dest kerdo ci, serreyê merdimî belayan ra nêxelesiya yo û rîwalê no şîdetî, merdimî ceza anceno. KCK aşkere kerd ke, meseleya esasî yê merdimî, bi îxtîdar û neheqînê verra ceniyan dest kerdo ci û va no zilm hetanî nika zî dewam keno.
Verra-vetişê şîdet
KCK aşkere kerd ke, guna û sûcê tewr gird, ebi şîdetê verra ceniyan dest kerdo ci. Terorê dewleta tirk ê Kurdistan’î û tengezariyê Rojhelatê Miyanî, netîceyê no zîhniyetî yo. Hetanî şîdetê verra ceniyan nêhewadiyo, peyniyê herb-lej û zilm zî nîno. Cok ra têkoşînê verra şîdetê ser ceniyan, destpêkê peynîkerdinê lej û xoverdayişê serva-qandê haştî yo. Vera-vejiyayişê şîdetê verra ceniyan, vera-vejiyayişê zilm û şîdetê heme merdimî sero yo.
Camêrd tim biyo hetkarê şîdet
KCK ard ziwan ke, civak û merdimê ke vera şîdetê ser ceniyan de vengê xo nêkirê, heqê înan ê gerrekerdinê meseleyan zî çinîyo û vat: Yê kE wazenê meseleyê şaran çare bibê, gerek-gune sernî de vera şîdetê ser ceniyan vejiyê. KCK hayr ant zîhniyetê camêrdê ke şîdetê verra ceniyan qebûl kenê ser û wina vat: Yê ke tewr vêşî lazimînê ci têkoşînê vera şîdetê ser ceniyan estê, camêrdê. Tarîx ra hetanî nika, tim camêrd biyo hetkarê şîdetê ceniyan sero. Cok ra destê dergê ceniyan benê, destê heme camêrdanê. Lazimo sernî de camêrdî û heme kesî xo mesûl bivînê. Serva-qandê xelisnayinê eno barê qilerîn-leyminî ra, lazimo herkes vera şîdetê ser ceniyan, xo ver bido. Şoreşgerî, demokratî, welatperwerî û merdimî, vejiyayinê vera şîdetê ser ceniyan o. KCK şarî ra wast ke vera şîdetê ser ceniyan û şîdetê dewlet ê ser şarî bivejiyê kûçeyan û xoverdayişê xo berz bikerê.