Cenîyê femînîst û Platforma 8 Adare Roja Cenîye Dinyaye ra bi dirûşmeya ‘temaşeyê şîdetî meker, mudaxale biker’ kewenî. Aktîvîsa ÎFKye Ferîde Eralp bernameyê 8 Adare ser vat ke emserre 8 Adare ser şîdetî mêrdeyê û peynîya şîdetî maxdûrîyetî ser bibo. Eralp destnîşan kerd ke peynîya qetilbîyîşê Ozgecan Aslanî ê no biryarê dayî û wina vat: “Seba pawiyayişê cuyayişê xo ya cenîyan ganî çalakî û serbihewanî, no ser raştî ser zî ma çalakîyan dar bivisnî. Do Platforma 8 Adare saetê taştêreyê di Kadikoya Stenbole de mîtîng dar bivisno, hewna yenî roje di saet 19.00 Taksîma Stenbole de cenîyê femînîst maşeke meşaleyan reyde dar bivisnî.”
Mîtînga Kadikoye
Eralp dîyar kerd ke verba heme çike, seba rewşa xoverodayişê ra bal ontişê rayvistişî cenîyan ra, di kûçeyan de bîyîşê cenîyan ra, ciyabîyîşê cenîyan ra û gefa mergî ra ê biryar dayî, di Kadikoya Stenbole de mîtîng bivirazî. Eralp vat ke di mîtînga 8 Adare de hewna ser vateya 8 Adare û cenîyê YPJe verba şîdetê mêrdeyê senî têkoşîn danî de bivinderî.
Têkoşîna cuyayişê
Eralp ciresna ke di heme warê de cenîyan bi têkoşîna xo bîyê temsîlkara pawiyayişî yê, êdî cenîyan verba mergî bi hembarî têkoşîn danî, ê zî seba cuyayişê têkoşîne wazenê firaz bikerî. Eralp wina dewam kerd: “Ma wazenê kerdişê dewlete ra û qanûnê dewlete ra bal bioncî la esil armancê ma cenîyan ra vengdayişo. Ma emserre cenîyan ra bi dirûşmeya ‘temaşeyê şîdetî meker, mudaxale biker’ veng bidê. Ma wazenê cenîyan di mîyanê xo de her tim hembarî reyde têbigerî.”
STENBOL