Rijnayîşo ke taxanê Alîpaşa û Lalebeyî yê qezaya Sûrî ya Amedî de ameybî destpêkerdiş, domîyeno. Şarê taxe her çiqas ke vera înan de tehdîtê vengkerdişê keyeyan estbo zî, xoverdayîşê xo domneno.
Platformê Vera Rijnayîşê Sûrî de Nê zî seba ke piştî bido şarê Sûrî, seba aşma Remezanî werdê fitarî organîze keno. Platform bi kampanyaya ‘Nane û awa xo bigîre û bê Sûr’ sifreyê fitarî roneno. Şaro ke 2 taxan de xover dano do sifreyê fitarî de bêrî têhet. Verfekê HDPyî Osman Baydemîr û parlamenterê bînî û temsîlkarê partîyanê sîyasî yê bajarî û endamê Platformî do beşdarê werdî bibî. Goreyê programî beşdarvanî do seba ke bikewî hereket, sere de UNESCO û veng bidî rêxistinanê bînan yê cîhanî.”
DÎHABER/AMED