Ji 15 navend û 612 dibistanên girêdayî Rêveberiya Perwerdeya Giştî ya Silêmaniyê, 251 milyon, 316 hezar û 500 dînar alîkarî ji bo Rojavayê Kurdistanê hatin komkirin.
Kampanyaya 15’ê cotmehê hatibû destpêkirin, doh bidawî bû. Pereyên hatin komkirin, doh li navenda Rêveberiya Perwerdeya Giştî ya Silêmaniyê bi civînekê radestî Heyva Sor a Kurd hatin kirin.
Di civînê de Rêveberê Rêveberiya Perwerdeya Giştî ya Silêmaniyê Dilşad Umer, Nûnerê Nûnertiya Rêveberiya Xweseriya Demokratîk a Bakûr û Rojhilatê Suriyeyê ya Herêma Kurdistanê Mesud Hiso, Nûnerê PYD’ê yê Herêma Kurdistanê Silêman Ereb, Nûnera Kongra Star a Herêma Kurdistan Cîhan Xelîl û Nûnerê Hevya Sor a Kurd Gêlanî Reşo amade bûn.
ROJNEWS/SILÊMANÎ