Zîndananê Tirkîya û Kurdistanî de zext û tedayî peynî nêbenî û her roje xeberê cîya cîyayî yenî. Nê zîndanan ra yewe zî Zîndanê Odemîşî Tîpa Tyî yo. Bi nameyê Turgut Koyuncuyî de hepsîyêk ser nameyê 50 hepsîyan mektubêk erşawit û mektuba xo de qala neheqîyan kerd. Koyuncuyî va ‘ez û 40 embazê xo Zîndanê Kiriklarî ra surgunê Zîndanê Odemîşî bîyî’ û wina dewam kerd: “Roja ke ma surgun bîyî ra nata ma qet nêberdî nêweşxane û tedawîya ma nêameye kerdiş. Heta nika kelepçe dayêne destanê ma ro û 2 leşkerî kewtêne binê çengê ma û ma şîyêne nêweşxane. Labelê nika kelepçeyêk zî dîyeno polê ma û yê leşkerî ro.”
Koyuncuyî dewamê qiseykerdişê xo de dîyar kerd ke ê vera nêyî de îtîraz kerdo û wina domna: “Labelê çawişê pisporî ma ra vatî, ‘şima bimirî zî ma şima nêbenî nêweşxane. Şima xora vera dewlete de sere wedarnayo. Şima cîyakar î. Ma wezîfeyê xo zanî. Yan şima vatişê ma kenî, yan zî şima do nêrî tedawîkerdiş’. Zafaneyê hepsîyan de nêweşîyê qelb, KOAH, este û adaleyî, ulser, sînozît, mîgren, sedef û rîşa merdimwere estî. Labelê seba ke hepsîyî nê kerdişanê înan qebul nêkenî, tedawîya înan nîna kerdiş.”
MA/ÎZMÎR