Sey her wext hemê qulpî ey giredaye, tîrîl-tîrîl bi. Merdim gera heqî merdim bido ci. Bê kurdan keso ku kubar û zerrnizm o. La senî yew dişmentîya. Wexta kurd beno mewzu, o beno cindar. Her wext ona yo. Wexta kurd, kurdî, nirxî kurdan, sîyasetî kurd beno pers, beno mevzu her çekû fekî ey de bena adir, benê qerqeşun.
Çi hîkmeta qet xo heqaret ra ranêgeno no mîrat. Ez derg mekerî, bi kilmek persî rojnamegeran ser Arinç TV de derg-derg verêdîya ra. Komxebata lijneya wezîran kerd aşkera. Gayet aşkera çîyo ke henverê ma bî, agahîya da. Şaro kurd vîna, hikumat ne nîyetî xo limineno nê zî hewce vîneno nîyeta xo pîni bikêro. Esa hetana weçîn wazeno muzakereya pêvajoya çareserî îna pê demogojîyanê bê esl bi ewiqno. Arinç amancî xo belu kerd. Wazeno mesele sabote bikêro. No yew sîyasî teqtîk bo zî, şarê Tirkîya erîşî, areznayişî B. Arinç manîdar vîna ke yew berteko xurt da ey. Vat “sîyaset û melanet têmîyan meker birêz B. Arinç?”.
Û ser o de eynî roj, Demîrtaş bi hedefî serekomar Erdogan û serekwezîr Davutoglî zî. Derheqe Demîrtaş de B. Arinç nayan vano; “Demîrtaş qet hetê pêvajoya çareserî de bi nîyeta baş nîyo. O keso xîretkar û o keso ke biwazo pêvajoya çareserî serekewte bo, o kes nîyo…Ê kesî pêvajoya çareserî sabote kenê sersabotekeran ra yew zî Demîrtaş o. O yew proje yo, partîya ey zî yew proje ya… Demîrtaş nêamiwaştiş ayera nêşikîya şoro Îmrali. Çiranê? …Ez wayerî îstîhbarîtî ya…”. Hendek zî cîddî bi, helmî xo nêdenê teber, çîyêko ey tembîh bîyê vat û vat. Her kurd no merezî B. Arinç wend. Îna: “Yew, B. Arinç bi zerr wazeno sereko hemdem birêz Ocalan û hevserekî HDP Demîrtaş bido têver. O zaneno sîyasî hereketa kurd sey AKP ya.
Hendêk zano...malesef.” Di, seba ke hetkarî ey ey bawer bîyê vano “ez wayerê îstîhbarat a” birêz Demirtaş û HDP proje yê. Û Demîrtaş nêwazeno meseleyê kurd çareser bo. Rojbaş! Helê vaje, gelo ti projeyê kamî yê? Hîrê, “ez zanena ke êyê pêvajoya çareserî sabote kenî înan ra yew zî Demîrtaş o” vano. Tabî ke nîyetî ey beluyo. Wazeno Demîrtaş payaerjan û bêîtîbar bo. Çar, amancî hikumat o bi, mîyanên de sîyasî hereketa kurd de zafbendî, cîyabazî û hîzîb virazê. AKP narey zî bi projeya lete kerdin vejîya, la pere nêkerd. Na mesele de her kes reyna derheke meseleyê kurd de melanetî AKPyan vîna. Oxro Demîrtaş no pêrkin îthaman ser xo înkar nêkerd bêteredut vat. “Bele, ez yew projeya.HDP yew projeya. Heta nameyê ey projeya cuya newe ya. Birêz Arinç galîba ma newe kefş keno… Rojbaş!”. Tirkîya de çend hemwelatî, çend keso bê teref û çend tirko bi wîcdan pê nê qisanê Arinç bawer bi nêzana. La ma zanî, vînenî, goşdarenî raybere sîyasî hereketa kurd, teqdîr benî. Çimkî serekefte yê. Her kurd, Tirkîya de her netew û kemnetew performansî HDP ra zerrweş û weşhal o. Demîrtaş zî serekî kurdan ra yew sereko tescîl bîyayeyo…
Mistefa ŞAHÎN