Zîyara Uryan Xizirî ke Zeveya ke girêdayeyê Pertagê Dêrsimî ya de 3 kesê ke nasnameyê înan nîno zanayîş hetê serê sibayî de bi hawayo nimite zîyar de kinitiş ameyo kerdiş û sîmgeyê ocaxî Tariq ame tirawitiş û kewt destê qaçaxçîyan.Babete ser o kesê ke bîyî şahidê hedîseyî, qisey kerdî û derheqê dizdîya qaçaxçîyan de malumat dayî.
Kesê ke bîyî şahidê hedîseyî wina vatî: “Şewa yewşeme 3 kesî ameyî zîyare ser û vatî, ma Çorum ra ameyî. Nêweşê ma esto, cok ra ma do şewe zîyare ser de bimanî. 3 kesî saetê şewe de dewijê ke înan rê werd berdî rê ber nîyakerdî û heta serê sibayî zîyare de kinitiş kerdî. 3 kesî sembolê ocaxî Tariq o (Tarik) ke sey pîroz ameyêne dîyayîş, tirawitî û remayî. Wexto ke ma serê sibayî şîyî zîyare ser ma dî ke her cayê ziyare ameyo kinitiş.”
AHMET BAKIR/PÎRHA/DÊRSIM