Key (qral)o înyadkeran ra ê Suudî Arabîstan Ebdula Bin Ebduleziz merd. Tirkîya qabe mergî in merdim, yew rojo şîna neteweyî îlan kerd. Na şîna neteweyî, nê rojanê de medya de, raya pêro de zedê qise bena. Û yena şirove kerdin. Komelî ra tayê kes no şîn bica, rast vînenê, weşerê kes zî rast nîvînenê. Tinazî xo pê inî qerar anê. Taybet komeleyaTirkîya de zaferê kes, nê rojanê de, no key û serekkomarê Tirkîya Erdogan tam de qîyase yewbînan kerdbi ke yew pêveronayî ra exs bi. Yanî yew key tera koçberî axîretî bi.
Keyo bîn, keyî Tirkîya dejî mergî desbirakî, bi ey giran ami, yew roj, bi roja şîna neteweyî, Tirkîya da ferzkerdiş. Çimkî her yewî nayan sey qelfê saye bi. Dawaştişî nayan, fikrî, emelî nayan seypê bi. O yew qral bi la serekkomar Erdogan hîna cagir bi. Mergî nê rayber zaf giran amî ke serekkomar Erdogan waşt, no rol-modelî xo bi yew roja şîna neteweyî birê bikêro. Netîce şarî Tirkîya de yew roj şîna neteweyî da ferzkerdiş. Ferman cayo pîl ami bica. La na roja şîn, ala newe aşmika bi astorê nîmceyî nêancîya, tena zerê serekkomar de ancîya. La weşerî şarê Tirkîya, awir nîda na şînê. Nî zî alaqadar bi. Çimkî şar, serdemo modern de êdî keyan bixêr yad nêkeno ke rehmet biwano. Şîn pêrkîn komela Tirkîya de zî meqbul nîamivînayiş ke şar bêîtîatî kerd, dejî serekkomar pare nîkerd.
Tirkîya de tayê komxebat, şahî betal bî. Hunermendan hunerî xo îcra nêkerd. Malesef, Tirkîya de her yew îcra serekkomar bena yew mesela. Rebre zî şîna serekkomar bena sebebî lakirdî. Her halde ê ma wazeno ona yew mesaj wefakarî bido û Ona; “Qral merd bijî newe qral…” Axir, no şîna neteweyîya dewleta Tirkîya, bê keso îslamo mezhepperest û netewperest, Tirkîya de tu weşî kesan nîşi. No derhek de roşnvîr, hunermend, hima hemê meyldaro demokrat yew berteko tund da dewlet. No derhek de hevserekî HDP birêz Demîrtaş zî nêrîna HDP, bertekî xo ona ard ziwan: “Ewro şîna neteweyî amî îlan kerdenê. Bêşik herdî Suudî de cayê muqadese ma est î. Bêşik îtade spartegehê (cayê emanetê) Hz. Pêxember efendî ma est ê. Ê muqadesî ma bêşik nirxî alemê îslamanî yê.) La Qralî Suudî no herdo muqades de ronişeno, qey a qesra zerîn zî bena muqades, birano? Namê Qralî Suudî, qey ma mecburî muqades qebul bikêre? Hîç qisûr mêewne. 30 cînî ey est î. 60 tutî ey est î. 20 milyar dolar servetî ey est o. Binî ey tuvalet çînbo, tuvaletî xo nêkeno begefendî. Nêy cuyê xo de yew roj tek yew sanîyê sey mislimanêk nîbîyo. Namê ey Qralî Suudî yo la yew roj sey Hz.Pêxember nêcuya yo.
Nêy 48 teyareyan geşt û gûzar kenî. Nêy yew welat ra welato bîn bi 48 teyreyan şinê. Tutî nînan, cînîyê nînan, trembelanî nînan, taybet pêro çîyê nînan, şorî kamî ca pêrkîn luksan xo, xo dere benî. Homa gunayan ey ef bikêro. O merd o, la qey ma şîn û şîna neteweyî tepişenî? Qisûrî mêewnê, ma şîn qebul nêkenî. No şîn ê ma nîyo. Beno ke qral, qralî to yo. La ma qralî to nêşinasnenî. Dim mergî qisekerdiş rast nîyola ma mecbur nîyî şîna neteweyî qebul bikêrê. Vateyo peyîn vate verênan o; “Min rê embazî xo vaj, ez vajî to kam î.” Bi qerarî dewlet, şar kesî ra nêbeno rezdar.