Dest pêkerdişê perweredeya wendekaran ra ver mamostayan perwerde vîna. Cîya cîya babedan de waneyên (ders) perwerde ame dîyîş. Bi no tewir mamosteyê Şingalê xo serra newe ya perwerde ra hedre kerd. Perwerdeyê mamosteyan bi yew şahî peynî bî. Naye ra ver heme mamoste amey pêser û damusnayîş dayêne çapemenî. Damusnayîşî de tecrîdê ser Rayverê Şarê Kurd Abdullah Ocalanî ame şermezar kerdiş. Damusnayîş de ame vatene ke mamosteyî paştî danê çalakîyanê seba azadîya Ocalan yenê ramitiş.
Heme sazgeh û dezgehanê Xanesor beşdarî şahîye bî. Azayanê YBŞ-YJŞ zî beşdarê şahîye bîyêne. Şahîye bi qisayan dest pêkerd. Temsîlkarê meclîsa avanker, yê PADÊ û meclîsa cenî qisey kerdêne. Qiseykerdoxan dest weşî mamostayan kerd. Bal ant ser girîngîya perwerde.
Şahîye de tîyatroya qeçekanê Şingal bal ant xo ser û şano bi ser pay ame temaşekerden. Şahîye de hunermend Azad Dêrsimij zî bi deyîranê şorişgêrî coş da şêligî. Ser tertele û şehîdanê Şingalî helbeste ameyêne wendene. Ancî koma govendê yê TEV-ÇAND vejîya ser dikê û govend kay kerd.
Peynîya şahîde beşdaroxan pêr û pîya dîlan û govend kerde û bi no tewir şahî peynî bî.
AZAD ARARAT / ŞINGAL