Şervanê YPG'ê Şervan Ebdulrehman (Sîpan) di 2'ê Gulanê dema li gundê Qestel Cindo li ser erka xwe ya parastinê bû, di encama teqîna mayînekê de birîndar bibû. Sîpan rakiribûn nexweşxaneya Afirîn a Efrînê û tevlî hemû helwldanan jî Sîpan nehat rizgarkirin û jiyana xwe ji dest da. Ji vir cenazeyê Sîpan birin navenda Saziya Malbatên Şehîdan.

Bi hezaran welatiyên herêma Efîrnê li ber nexweşxaneyê kom bûn û cenaze wergirtin. Girseya ku posterên Rêberê Gelê Kurd Abdulah Ocalan vekiribûn, alên TEV-DEM, YPG û YPJ hilgirtibûn û bê navber dirûşmeyên dilsoziya bi YPG'ê re berz dikirn cenaze bi karwanekî wesayîtan ber bi goristana Şehîd Refîq a li gundê Metîna ya Navçeya Şera ya Efrînê derxistin rê.
Li goristanê merasîm hate lidarxistin. Merasîm bi rêzgirtinê destpê kir û piştre li ser navê TEV-DEM, YPG, Saziya Malbatên Şehîdan û malbata şervanê YPG'ê Sîpan axaftin hatin kirin. Di axaftinan de berxwedana gelê Rojava hate silavkirin û soza şopandina riya şehîdan hate dayîn.
Piştî axaftinan cenazeyê şervanê YPG'ê Sîpan bi diruşme û tilîliyan spartin axê.

EFRÎN