Welatanê Ewrûpa de seba referandûmî reydayîşî ramenê. Muşahîdê HDP yê Koln’î veng day weçîntoxan ke şirê ser sindoqan û vengê Nê bidê.
Seba referandûmê 16'ê Nîsane wextekê kilm mend. La hona xêlê weçîntoxî nêşîyê ser sindoqan û reyanê xo nêdayo. Wezîfedarê HDP yê ke sindoqan ver de muşahîdî kenê vistî vîrî ke seba vengdayîşî tenya 5 rojê peynî mendî. Muşahîdan ra Yildiz Fîlîmcî da zonayen ke eleqeya vengderanê 'Nê’ vêşî yo, la bes nêkeno. Fîlîmcî veng da weçîntoxan ke cîran, silasnaye û merdimanê xo biberê ser sindoqan.
Verîya ke berey bibo
Muşahîd Yildiz Fîlîmcî vist vîrî ke tenya panc rojê peynî mendî û va, verîya ke berey bibo, lazim o şar seba ameyoxê xo şiro vengê ’Nê’ bido.
Ramazan Kiliç’î zî vist vîrî ke no weçîntayîş her kesî nezdî ra eleqedar keno. Kiliç’î da zonayen ke weçîntayîşeke ke weşîya her kesî, dîyar keno yo û wina va: “Mihîmîya rewşî ver çiman de ya. Mesûlîyeteke gird ser milanê ma de yo. Ganî pêrokîn weçîntoxî bîrê ser sindoqan. Her vengekê zaf erja û bi rûmet o. Ganî her kes çormeyê xo, dostanê xo bigîro û bîyaro ser sindoqan.
ANF/KOLN