Rojan ra rojên Apê Musa nişeno estora xo ya zînkerdê û dewe bi dewe Kurdistanî geyreno. Nezdiyê dewen de, binê tiwêrêna girde de inîyêno şên, zeyîniyê sersebili zeno de vindeno veri estora xo awdano dima zî bixo, a awa zelale, zey şitê mîyana ya teyşaneya xo şikneno. Dare sero merdimên xeftêno. Çimê Apê Musayî ê merdîmî sero yo. Wazeno bîmûso ki o merdîmo se keno. Merdimo ki dare sero yo wini meşgûlo ki Apê Musa di fini veng keno bi aci silam dano, vano; “qiwet bo…” Tîyê se kenê keko bira? a wina vano; xêr silamet, ma bi xêr. Ma tîyê nêvînenê eza se kena? Apê Musa birweyanê qalinan yê mêrdekê dewiji vîneno. zimbêlê boqî û mirûzo tirs. Apê Mûsa pêdse vedeno ki mêrdek zaf edîzya/betilyaya. Apê Mûsa vano: “Eza vinena tîyê se kenê la bi o hala ti do era ro gunê ha! Mêrdeko xeloştkar tewr geş bî vatena Apê Musaya ya nêkiweno û gilo ki ci sero ronişta bî dahrîya kok ra bîrnayenê de cehdê xo berdewam keno.” Apê Musa vateno xo vano nişeno estora xo kewno ray, hewna hendê des pancês misasiyan şiyo nêşiyo vengê şerbi ya mêrdeki û şikitê na gilê dare yeno.
Apê Musayî koç, Apê Musa a geyreno xo ser ki gilê darê şikiya yo û mêrdeko erdo . Apê Musa kewne ray û raywaneya xora nêmaneno hend vîneno ki vengên dê qijiyêno ci dima yeno. Apê Musa wesarê estora xo kir keno ageyreno xo ser ki o merdeko. Bi linganê warwayona vazdano yeno û veyndano bi ci vano; “Ya merdim ya merdim hele vindi, raya min bipawi.” Mêrdek yeno reseno Apê Musayî û vano; “ti kam o? Ma ti xizirê? To çizanayê ki ez do erd ro guna? Eki to zanayê ez do erd ro guna, biguna erd ro o wext ti zanê ez do çi wext bimira zi ti ki homayî / Elayî Sînenê min rê vaje. Ez do çi wext bimila? Apê Musa se ki vano; mêrdek goşdareyi nêkeno vano; “illa welîla ti zanê ez do çi wext bimira.” Apê Musa wînêno ki qenehbiyayena mêrdeki zor a vano; çi wext ki to mabênê keyeyê xo û emrîyananê xo yê ki teng de barê ci çewto de xendegî aranayi ti do o wext bimirê. Mêrdek vano: “Temam. Homa to ra razî bo. Ma ez ehmaqa ki nê girweyanê wina ecêban bikera.
O wext ez qet nêmirena.” Apê Musayî çiyeno ki qet nêbeno ez vaja ki xo nê mêrdeki dest a birayna la ewro roj mayê vînenê ki çimanê heme merdîmeyi vero, rayverê PDK’ yi, bê eyb û beyntarê / mabênê rojawan û vaşûrê Kurdistani de xendeki aşanenê desi virazenê, têlî ancênê beranê siyayenê û amyayêne şarê Rojawani, şaro ki şorişa bêgonî, bî raybaza moderniteya demokratika viresto şero gênê. Dayîkî Aşîtî Apê Musayî ra pers kenê vanê; “Apê Musa, to vitibî çiyo ki nêbeno la ewro biyo. PDK mabênê rojawani û vaşurî de xendeqi virazena, ti na jimere rê se vanê?” Apê Musa vano; “Eza vinena eyê xendeqi nê aşanenê, mezelê xo aşamenê. Bes wa şarê ma bêveng nêmano, bi rayvisteni têkoşina xo berz kero beso.” Ma şima nêdi a rose ki heyetê BDP û HDP’ yi şi Îmralî Rayverê Şarê Kurdi vatibî kendena xendeqanten teniya wayirê xo kena rezil ma ne vatane ser ra vatane vajêna. Çi heyfo ke PDK nika waştişê şarê êzidîyan bi leyminî û bi tade û zilmî hêriş kena.




FAYSAL BOZKURT