Rojavayê Kurdistanê de hetêk re hêrîşê zaf girt esto. Hetêk re zî xoverdayîşê bênimûne û bêmîsal esto.
Çeteyên ke peynîye de hêrîş kenî bi name DAÎŞ yenî şinasnayîş. Serokê nê çeteyên zî Tarkan Barataşvîlîy o (Ebu Omer Şîşanî) û yew Çeçeno. Yewê Tirk vanî endamê MÎT’îyo (Mensur El Turki) eyê beno Istanbol. Ebu Omer Şîşanî, Istanbol de mîyanê MÎT’ê Tirk de mendo.
Dima ra MÎT’ê Tirk, no çete şiravito Rojava. Xo ra merkeze no çetê Pirde Qereqoze de kiştê eskere Tirk(Zîyarê Şah Silêman) de yo. Uca de eskerê Tirk re pîya plan virazenê, dima ra hêrîş kenî ser Kobanê. La Şarê Kobanê û hêzê YPG hina xoverdayîşek kenê ke, çeteyên DAÎŞ tar û mar bîyê.
Ma, dewleta Tirk û çeteyên DAÎŞ yê girêdayî Dewleta Tirk(DT) ra lome nêkenî. Xo ra dişmenê Şarê Kurdê.
La PDK(KDP) zobîya. Zê partiyê Kurd asena. La dişmenê Şarê Kurd re pîyaya. Kilava Kurd nawa sere xo. Qet çîyê rind û weş seba Şarê Kurd nêkena.
Dewletê Tirk ser tûmê(sînor) Rojava çalan kenena, dêsan virazena û pêronê beran(keyber) gena. PDK zî çalan kenena, dêsan virazena, bere Sêmalke gena.
Çeteyên DAÎŞ û El-Nusra, Til Êran û Til Hasil de Kurdan kişenî. Pêronê dinya ser komkiştişê Til Êran û Til Hasil qisêkena. PDK û Mesut Barzanî wirzenî û vanî. "Nê, komkiştiş nîbîyo”. Ser nayê, çete zî vanî, "Biewnenê Mesut Barzanî vano komkiştiş çîno”. Hina PDK û Mesut Barzanî û Nêçîrvan Barzanî re paşt genê. Hina komkiştişê newe virazenê.
Xo ra rasterast çeteyên girêdayî PDK zê Komala mîyanê DAÎŞ, El-Nusra û Ahrari Şam de can genê.
Pîya hêrîşê Kurda kenî. Til Êran, Til Hesil, Girêspî (Til Abyed), Kobanê, Til Maeruf û Til Hemis de çeteyên Komalê yê PDK(KDP) pîya hêrîşê kerd Şarê Kurd.
Faris Temoyê PDK’yîj yew dazanayîş zî da û va, "Di endamê ma yê Komala ver YPG şer kerdenê. Hetê YPG re ameyê kiştiş”.
La tenê nê nîyê. Ser şirîkê PDK, DT(Dewleta Tirk) û DAÎŞ’ê, DAÎŞ cîya cîya di dazanayîş da.
Dazanayîşê ewwîl ser PDK’ê bi. DAÎŞ dazanayîşek da va, "Ma hêrîş nêbenê ser hêzê eskerî yê Kurdistanê”. No dazanayîş dima ra DAÎŞ çend hew hêrîş kerde ser YNK la qet hêrîşê PDK nêkerd.
Peyînê de Xaneqîn û Seedîyê de 70 û 80 Kurd hetê DAÎŞ’re ameyê kiştiş. Bi desan Kurd zî ameyê birîndarkerdiş.
Wexto ke ma nayê şixulê PDK, Dewleta Tirk û DAÎŞ anî têhet, şirîkeya zelal vejîyeno werti.
PDK û Dewleta Tirk seba ke, Kurdê Rojava nêbenê wayîrê statû bîyê şirîk.
Ser Rojavayê Kurdistan dişmenê kenî. Her roj zî dişmenîyê xo zêde kenî.
Gera pêronê Şarê Kurd, na raştî bivîno.