Artêşa tirkî hem Vakur û hem zî Başûrê Kurdistanî de operasyonê leşkerî dayî dest pêkerdene. Bitaybetî merkezê Şirnexî, Silopî, Basa, Qileban û Bêşebap de operasyonî dewam kenî. Bi seyan warî bin nameyê ‘Herêma Ewleyîya Taybete’ de ameyî qedexe kerdene û bi hezaran leşkerî beşdarê operasyonan bîyî.
Koyê Kato Jîrka, Besta, Gabar û Cûdî de netîceyê erzîyayîşê hewanan de daristanan de şewat vejîyayo. Operasyono ke herêma Besta de dîyayo dest pêkerdene her ke şono hîrayêr beno û ame musayene ke herême de qerargehê leşkerî yê neweyî ameyî ronayene.
Bêxera tayê dewan kewtiş û vejîyayîşê herême ameyî qedexe kerdene û qoricîyê dewanê herême bi hawayo dore beşdarê operasyonan benî. Reyna ame musayene ke beldeya Gundikê Melê de daristanê Koyê Filehan hetê qoricîyan ra ameyî birnayene.
ANF/ŞIRNEX