Cinîyê rojawayijî ke bi perspektîfê ‘Neteweyê Demokratîke’ yê Rayberê Şarê Kurd Abdullah Ocalanî Rojawa de cuyêka newe awan kerdî, tecrîdo ke Ocalanî ser o yeno domnayîş, sey ke verra heme şaran hesibnenê. Babete sero Îdarekarîya Kongreya Şarî ya Girkê Legê ra Şehnaz Abdo qisey kerd. Abdo vist vîrî ke îdareyê xoserî zî nîşaneyê no perspektîfî yî û wina va: “Nika yeno waştiş ke bi sîstemekê demokratîk û federal yew çareserî bêro viraştiş. No hetê çareserîye de gamêk tarîxî yo. Quwetê Komplogerî nêyî ra zaf tersenî. Çimkî no proje her kesî gêno mîyanê xo û têkilîya şaran bi quwetêr keno.”
Heval û dostê cenîyan o
Abdo hayr ant tecrîdê verra Ocalanî ser û aşkere kerd ke tecrîd do qet sernêkewo. Abdo vist vîrî ke şar perspektîf û fikrê rayberîya xo esas gêno û qiseyê xo wina domna: “Ma cinîyî ke mîyanê şorişî de ca gênî tecrîd û cûya bêrayberî qet qebûl nêkerî. Rayber Apo seba cinîyan heval û dost o. Seba Rayberê ma yo ke vano ‘heta cinîye azad nêba, komel zî azad nêbeno’ ganî şarê ma hîna zafêr veng bivejo. Seba Rayberîye tena çalakîye viraştiş qîm nêkeno, ganî ma xo rêxistine bikerî.”
Abdo va yê ke tecrîdî domnenî û yê ke wazenî Rojawanî îşgal bikerî eynî quwet ê û qiseykerdişê xo bi nê vatenan qedêna: “Ez veng dana heme quwetê ke Rojhelato Mîyanên de ca gênî, wa bêrî ma bibî yew û vengê xo yew bikerî. Bi no hawa ma tecrîdî bişiknî. Çimkî eke tecrîd bêro şiknayîş, o wext Kurdistan û Rojhelato Mîyanên zî azad benî.”
GIRKÊ LEGÊ