Mabênê ma û yê sîvîlê ke mîyanê çember de mendbîy 4 km estbî. Wexto ke ma vera xo da taxe, ma dîy ke keyeyêk de nizdîyê 200 kesî estbîy. Sîvîlê ke ameybî xelisnayîş, 2 rojanê peyênan de vêşan û têşan gêraybî. Warê pêrodayîşî ra 100 m dûrî de bîy.
Wexto ke ma nizdîyê sîvîlan bîy, ma extîyarêk dî, pêrodayîş de parçeyî dest û lingê ci ginaybî û bawer nêkerdêne ke cuyeno. Şerwanan ra vatêne ‘bêrê ez şima miçî bikera’. Şerwanan hewl dayêne ci bîşêrî nêweşxane.
Wexto ke sîvîlî ma dîyî, vejîyayî kamerayî ver û waştî vengê xo biresnî heme dinya. Dayîkêk vatêne ‘2 lajê mi şer de merdî’. Sîvîlêkê bîn va ‘Darûyî çinêbî û DAIŞ destûr nêda ke ma şêrî nêweşxane’. Tam ê wextî de vengê guleyan ame û şerwanan aşkere kerd ke înan grûbêka bîne azad kerdî. Ma vera xo da warê pêrodayîşî. Çeteyî hewl dayêne rayîran ser de mayînan bica bikerî. Şerwanan zî hewl dayêne dîqetê çeteyan biancî ser xo û sîvîlan bixelisnî.
Şerwanan azad kerd
Seba ke sîvîlî nêbî hedefê topan, şerwanan tim hereket kerdêne. Hetêk ra înan xelisnayêne, heto bîn ra zî hetkarî dayêne înan. Domanan bi wesayîtan erşawitêne cayanê ewleyinan. Vera zanatî û huyayîşê şerwanan de cinîyan tilîlî antênê û no bedelê heme çîyî de bîy. Tayê cinîyan nêşînayênê bi xo û bermayêne. Hesirî çimanê înan ra war bîyênê û heta ke şerwanan ra dûrî bîyênê vatênê ‘Wa Homa şima reyde bibo’.
WARŞÎN SALIH /ANHA/REQA