Sûka mintiqaya Deryayê Siya yê Tirkîye Gîresûn ra, xebera ‘helîkopterê skorsky kewt’ bî vila. Badê çend deqeyan vejîya werte ke, Fermandarê mintiqaya Gîresûn Tûggeneral Mûstafa Dogru, 1 albay, 2 bînbaşîyan ra pîya, 15 kesî helîkopterî miyan de estê. Bîyayiş de 15 kesan ra, yarbay Sadettîn Şahîn û Yuzbaşi Hîlmî Ozer ra pîya 7 kesî merdî û 8 kesî zî bî dirbetin.
“Helîkoter vistîyayo war"
Îdarekaranê dewlet sifte îdîa kerdî ke, helîkopter bi sebebê mijê jêde (vêşî) û şertanê zehmet ê hewayî ginayo war. La belê resîmê ke cayê bîyayiş ra amey, îdîayê rayveranê hikûmet zûrî vetî. Çike resîmê ke behsê ci yeno kerden de mij nêasyeno.
Mintiqeya ke bîyayiş ame meydan de bîyayişê gerîlayan zî yeno zonayene. Nînan zî îxtimalê vistişê helîkopterî kerd vêşî. Di hesabê twîtter ê barakerdişanê ci ra aşkere beno ke mîyanê dewlet ra yê, zonayişê zey "helîkoter vistiyayo war" kerdî vila.
Serokwezîrê tirk Bînalî Yildirim ra hetanî yardimkarê ci, zonayişê ke pênegênê vila bî. Hikumeta tirk bîyayiş zey qeza û rîwalê ‘rewşê hewa’ damûsnena. La belê serokînê artêşa tirk vat ke, ê sebebê kewtişê helîkopterî nêzanê. Na damûstayîna artêş zî, şik û gumanê zey "helîkopter vistiyayo war" kerd vêşî.
NAVENDÊ XEBERAN