“Min zî no neheqî qebûl nêkerd, ez wayîrê dewaya xo vejîyay û ez ameya serê koyan. Ma zaf caran bîy şahidê veşnayîşê dewan û surginkerdişan.”
Nînan ra yew zî fistonika Gulçîn Umut a. Gulçîn dewa Colemêrgî de yena dinya. Pîyê Gulçîn Recep Kurt ê bi nameyê qod Harûn semeda ke teda û zulma dewletî qebûl nêkerd 5 serreyan zîndanî de rakewt. Dima ke zîndanî ra vejya 1994’î de verê xo da serê koyan. Heman serreyan de keyeyê Gulçîn zî bar kerd şîy Kurdistano Vaşûrî. Demo ke pîyê Gulçîn cuyayîşê xo vindî kerd ra dima Gulçîn zî verê xo da serê koyan.
Umut fistonika cuyeyê pîyê xo û rocê surginî ya keyeyê xo ard ziwan û wina dewam kerd: “Heme çî ra ver wezîfê ma no yo ke ma wayîrê şehîdêy şorişî bivejîy û dewsa înan de bi meşîy î. Heta nika min nêewtanaynê ke ez qala pîyê xo bikera. Ez xo rexne kena. Vîrardişê heme şehîdan muhîm o. Ez û way û birayê xo ma mîyanê raştîya PKKî de çimê xo akerdîy. Pîyê ma ser ma de bandoreke gird viraşt. Ma her tim cuyayîşê ci xo rê esas girewt.”
Umut wina vat: “Pîyê min kewt zîndan ez û birayanê xo ma şenik bîy. Ser heremî de her tewir zilm ameynê xebetnayîş la pîyê min tekoşîna xo domna û 5 serreyan zîndana Tirkîya de mend.”
JIYAN AMARGÎ/ŞARISTAN NURHAK/ANF/BEHDÎNAN