Fermandara HPG û YJA STAR Leyla Walî Huseyîn bi nameyê kod Viyan Soran 2ê Sibat 2006 de, serva protestokerdişê sîstemê êşkence yê Îmrali adir da ganê xo. Soran ke bi siloganê ‘Bê Ocalan weşîn nêbeno’ çalakî viraşt b, peyniyê nûmayiş de weşîna xo kerd vîndî. Viyan Soran mesaja ke pey xo de terna, girêdayinê xo yê bi Rayverê Şarê Kurd Abdullah Ocalan û Hereketê Azadiyê Şarê Kurd rê ard bî zon.
Xeylê wezîfe girot xo ser
Viyan Soran 1981 di Silêmanî de amêbî dinya û sera 1997 de tewrê PKK bîbî. Wextê kilmî de bi qerarî û baweriya xoya, xeylê kar û wezîfeyî guret xo ser. Azaya Komîteya newe ra ronayinê PKK û azaya Desteya Rayverîna Kongra-Gel kerd. Wexto ki çalakiya xo viraşt, hem azaya Meclîsa PKK û hem kî fermandara YJA STAR bî. Vizêr bi wesîleyê serragêra çalakî de Kurdistanijan xeyle cayan de Viyan Soran yad kerd.