Di dinyaye de tewr gird temsîlkarê zîhnîyeta erîlî DAIŞ o, DAIŞ di Rojhîlatê Mîyanê de têkoşîn dana ke pergala xo neyarê merdimatî cuyayişê ra bivîyaro la çeteyê DAIŞê di Rojawanê de bêhempa têkoşîna cenîyê kurd vînay. Taybetê şerwanê YPJe di mîyanê yew serre de bi têkoşîna xo bêhempayî elaqayê dinyaye ant. No ser zî 8 Adare 2015 û Meşa Cenîya Dinyaye navenda elaqayê dinyaye bî. Endama Fermandarîya Pêroyina YPJe Sozdar Dêrik têkoşîna YPJe ser qise kerd.

 

8 Adarê Roja Cenîyan 

Endama Fermandarîya Pêroyina YPJe Sozdar Dêrik aşkera kerd ke çi heyfo ke hema zî di dinyaye de ser cenîyê zilm û terteleyê zîhnîyeta erîlê domyeno, di dinyaye de belkî îdeolojî û pergalê komeleye di mîyanê xo de cida bîyê zî verba cenîye yewîtîyake zaf bi hêz viraştî. Dêrik destnîşan kerd ke di heme pergalan de yew tena nêbedilyayiş est o, no zî cenîya hokeya ewnîyayişî yo, cenî bi mulkkerdişê mêrde, malbat û dewlete ra giredaye yo û no zî verê terteleyê cenîye akeno. Dêrsik ciresna ke di mulkkerdişê de aşkeraya ke nêwazenî hêzê cenîye meydanî ra bivejîyo, pergal bi no rayîrê îradeyê cenî, destê cenî ra girewt û bi rayîrê tacîz, tecawiz û şîdetî zî çimê cenîye tersna û bi no şeklî zî fikrîyena ke cenî bertaraf bikero. Dêrik wina vat: “Heme nê polîtîyê leyminî yê pergale, seba ma semedê têkoşînî yo, ma destûr nêdî ke cenî kamîya xo ra bêro dûrvistiş û zayendî xo ra zî dûr bivindero. 8 Adare zî ma zey kamîya cenîye wayîrvejîyayişê vînenî û no ser zî ma firaz kenî. 8 Adare yew serehewanayişê cenî yo. No ser zî ma verba zîhnîyeta faşîstî 8 Adare zey rayîrê têkoşîne vînenî. Ma zî zanenî di yew roje de tena bi rojdemkerdişê pirsgirêkê, pirsgirêkê cenîye çareser nêbenî la verba pergala faşîstî têkoşîna cenîye di heme dinyaye de dayişê hîskerdişî rê gameke muhîm o. Seba esil muhîm di her deqa û sanîye dinyaye bi têkoşîna cenîye xelqkerdişo û no ser zî verba zilmî ma di her cayê de serê xo bihewanî.”


 Cenîyê Kurd finak ê

Dêrik îzeh kerd ke cenîyê kurd nêeşkîyaynê banê xo ra bivejo la nika cenîyê kurd heme rayverê dinyaye muxatab gênî, senî no duştê ra cenîyê kurd ame, tena verba çeteyê DAIŞê têkoşîndayişî de cenîyê kurd nêame rojdemê dinyaye. Dêrik vat ke taybetê cenîyê Rojawanê xo îspat kerdî ke eşkenê heme zîhnîyeta tarîyê têk berî, di xozaya cenîye de çinkerdiş çin o, hetta tam çewte xelqkerdiş est o la verba çinkerdiş û terteleyê cenîyê verbavejîyayiş rewşake zarûrî yo û hîna weş dinyaye ra têkoşîn û şerkerdiş şert o û pergala faşîst wazena ke Rojhîlatê Mîyanê cenîye ra goristan bikero.

 

Meşa Mîyanêneteweye

Dêrik aşkera kerd ke di Rojawanê de cenî xo îspat kerd ke eke cenî serbihewano no demî do şoriş bibo û no ser zî vengê înan cenîyê dinya û kurd ra no yo, xo ra, axê xo ra, kultura xo ra wayîr bivejî, qet metersî û tarî parçe parçe bikerî û dinyaye roşn bikerî. Dêrik ciresna ke ganî cenîyan zey hêzê pawiyayişê ya cewherî xo rayvist bikerî, çimkî verba cehaletî û koletîyê tena çareserîyê şorişa cenî yo.


LORÎN PÎROZ/ANHA / QAMIŞLO