Îqtîdar her firsend de sozê sermayegozarî dano şarê Wanî. Derdê şarê herême bi awanîyê TOKÎ û Projeyê Bajarê Tekstîlî hîna gird bîyî. Hukmatî serra 2016 de bajarê Wanî sey ‘Merkezê Cazîbe yê Dîyin’ dîyar kerdbî.
Her îdarekaro ke şîyo Wan, waadê pîl dayo şarê herême. Sermayegozarîyî seba ke problemê kurdî nîna çareserkerdiş, rîsk nêgenî û projeyan nêerzenî dewre.Bi serran o bajaro ke Merkezê Cazîbe yê Dîyin amebî weçînayîş de problemê bêkarî, resî û weşî nînê çareserkerdiş. Wezîrê Ekonomî yo Kehen Zafer Çaglayanî serra 2013 de Wan de vatbî ‘ma seba çareserkerdişê problemê sermayegozarî, bêkarî û îxracatî, ameyî tîya. Bajar de do fabrîkayî bêrî awankerdiş. Her serre herême de do 30 fabrîkayî bêrî viraştiş. Reyna ma do seba 298 sermayegozaran kredîya bêfaîze bidî.’
Heta nika nêvirazîya
Nê vatişan ra 4 serrî vîyartî, labelê bajarê Wanî de yew fabrîka daxî nêameya viraştiş.TOKÎ badê zelzeleya 2011 herême de 16 hezar û 343 awanîyan viraşte. Her çiqas ke nê awanîyî seba mexduran ameyî viraştiş zî bi pere yenî rotiş.
Serekê Odeya Tîcaretî (VATSO) Necdet Takvayî îzehetê xo de wina vatbî: “Bajarê Tekstîlî hema zî paweyê xebatan o. Zaf şîrketî sozê ameyîşî dayî, labelê yew zî nêame. Bajarê Tekstîlî ameyo nuqtaya vindetişî.”
DÎHABER/WAN