Çalakîya Nobeta Azadîye ya ke çalakîya tewr derge ya şarê Kurdî yê Ewropa ya, kewte serra xo ya 8. Çarçeweya ‘Nobeta Azadîye’ ya ke 25ê Hezîran a 2012î ra nata bêmabên yena domnayene de do no hewte xeylî aktîvîteyî bêrê viraştene.
Çarçeweya aktîvîteyanê ke bi waştişê azadîya Rayberê Şarê Kurdî Abdullah Ocalanî yenê viraştene de ewro meydananê tewr muhîman ê Strasbourgî de pêramotişê fotografan û atolyeya hunerî ameyî ronayene. Pêromotişê fotografan de cuye û têkoşînê Rayberê Şarê Kurdî, komploya mîyanneteweyîye û dimayê demê Îmraliyî xoverdayîşo ke şarê Kurdî dayo yeno ramotene. Reyna derheqê Şorişê Rojawanî û têkoşînê cinîyanê Kurdan de zî fotografî ca gênê. Hunermendê sey Dogan Demîr, Yilmaz Yildirim, Amele û Alaîn Lîgîerî tewrê atolyeya hunerî bîyî.
ANF / STRASBOURG