Tevgerê Şorişgerî yê Yewbîyayeya Şaran (HBDH) û Komîteya Keyeyê Şehîdan seba şehîdê Aşma Gulane bajarê Stuttgartî yê Almanya de Merkezê Kulturî yê Arena de merasîmê virardişî organîze kerdî û şehîdê Aşma Gulane vîr ardî.
Merasîm de panel ame viraştiş û dayîka Elîfe, Temsîlkarê Partîya Sosyalîste ya Bindestan (ESP) Zîya Ulusoy, Temsîlkarê Nav-Demî Alî Hoca û Temsîlkarê HBDHyî sey panelîst beşdarê panelî bîyî. Panel de panelîstan rê persî ameyî perskerdiş û panel bi sloganan qedîya.
Ma bi înan sereberz î
Panelo ke bi rêzgirewtiş dest pêkerd de dayîka Elîfe qisey kerde û wina va: “Têkoşînê ma bi saya şehîdê şarê kurdî ame heta ewro. Karê ma o yo ke ma bibî layiqê şehîdan û wayîrê têkoşînê înan bivejyî. Ma bi şehîdan sereberz î û ma do têkoşînê înan biresnî serkewtişî.”
Dayîka Elîfe ra dima Zîya Ulusoyî dest bi qiseykerdişî kerd û wina va: “Ma do têkoşînê Mahîran û Kaypakkayayan biresnî serkewtişî. Ez dilnizmî, şorişgerî û şexsîyetê şorişgeran Kaypakkayayî ra musaya.”
Alî Hocayî zî wina va: “Ez şehîdanê Aşma Gulane bi rêzdarî vîr ana. Ez merasîmanê winasî de xeylê hîsin bena. Şehîdî seba menfîetê xo nê, seba şorişê komelî canê xo dayî. Birêz Ocalan bi saetan analîzê şehîdan keno û qala muhîmîya PKKyî keno. Êdî Tayyîp nê erdan ser de qedîyayo. Kurdistan de ma bihêz î.”
Tewr peynî temsîlkarê HBDHyî zî wina va: “Ma do beyraqa Denîz, Mahîr û Kaypakkayayan berz bikerî.”
ANF/STUTTGART