Pêroyina dinyaye de zî na gaza zinarî ameya qedexekerdiş. Seba parçekerdişê 3 hezar û 930 metre bîr bêrokenayiş û peynî zî bêro vindertiş ke do gaz bêro cor. No projeyê zî TPAO û fîrmaya SHELL bi hembarî kenî û projeyê ser fîrma aşkera kerd ke do vejîyayişê gaza zinarî de merheleye peynîyê amey. Taybetê dewlet seba vejnayişê gaza zinarî ser di xeta Çewlîg û Licêye de xebat keno. Di dinyaye de tewr zaf gaza zinarî di DYAye de yenahilbernayiş. Eke no proje dewam bikero do xirapbîyîşê xoza, çimeyanê awe û hetta bîyîşê erdlerzî ra bibo semed. Di Dinyaye de çimeyanê tewr zaf gaza zinarî di Fransaye de yo la di na welate de vejnayişê gaza zinarî qedexe yo. Hewna dewletê Spanya, Îngîlistan, Vaşûrê Afrîkaye, Komara Çeke û Bulgaristan vejnayişê gaza zinarî qedexe kerdî.
Gaza zinarî bi rayîrê pompakerdişê awe yenavetiş la belê di mîyanê na awe ra zî maddeyê kîmyasalî yena têmîyankerdiş. Taybetê vejnayişê gaza zinarî ra kesê xozahes bertek mojnenî. Babete ser kesê xozahes vatî ke eke cayeke gaza zinarî bêrovetiş do no heremê de heywan û nebatake cuyenî do welatijan nêeşkerî goşê nê heywanan û nebatan ra feyde bivînî. Hetta bîrê gaza zinarî ser di konferansa Mîyanêneteweye de serekê Odeya Endazyarê Petrolî aşkera dabi û vat bike di Kurdistanî de 300 hezar bîrê gaza zinarî est î.
NAVENDA XEBERAN