Rojnameyê Şûjinî yo ke bi lehçeyanê ziwanê kurdî ra kurmancî û soranî, ziwanê îngîlîzkî, erebî û tirkî weşan kerdêne, nika lehçeya kirmanckî zî kerd lîsteya xo û dest bi weşana lehçeya kirmanckî kerd. Sey ke yeno zanayîş UNESCOye lehçeya kirmanckî girewtbî lîsteya ziwan û lehçeyê ke ver bi vînîbîyayîşî şonî. Rojnameyê Şûjinî zî bi hêzê cinîyan dest bi weşanê xo yê lehçeya kirmanckî kerd. Babete ser o edîtora beşa kirmanckî Gulçîn Şanliye qisey kerde.
Ganî ziwan bêro pawitiş
Şanliye dîyar kerde ke ‘Şûjin ajansê cinîyan o’ û wina dewam kerde: “Lehçeya kirmanckî çinbîyayîş ver de yo. Ganî ziwanê dayîke bêro pawitiş. Şûjin ra ver, ez JIYAN TV de xebetîyaya. Ewja de ma xebatê kirmanckî kerdênê û vera polîtîkayê dewlete de ziwanê xo pawitênê. Labelê dima ra JIYAN TV ame qefelnayîş. Ziwan tena aletê yewbînan famkerdiş nîyo. Ziwan nasnameyê şaran o. Komele de ziwan û kulturê merdimî bêro qedexekerdiş, heme çî destê merdimî ra yeno girewtiş.“
Şanli tewr peynî de hayr ant muhîmîya ziwanî ser û va, “ganî ziwan û nasname bêro pawitiş. Pawitişê ziwanî de wezîfeyo tewr gird keweno milê cinîyan ser.”
ŞÛJIN / AMED