Qezaya Sûrî ya Amedî de zaf cayan de rijnayîşo ke bin nameyê ‘vurîyayîşê bajarvanî’ de ameyêne kerdiş qedîya, nika zî temelê awanîyan yeno eştiş. Hetkara Sekreterîya Pêroyî ya TMMOBî Gulsum Sonmeze rijnayîşî zîyaret kerde û derheqê zîyaretê xo de qisey kerd.
Sonmeze va ‘bi hawayo aşkere cayanê tarîxîyan çinî kenî’ û wina dewam kerde: “Ma xeylê keyeyan reyde pêvînayîşî viraştî. Bin nameyê îstîmlaqkerdişî de wexto ke banan mîyan de merdimî estbîyî, rijnayî. Tayê nêşînayî kelmelanê xo bigîrî û banê înan ameyî rijnayîş. Reyna ma dî ke keyeyêkî herinda banê xo de çadire akerdo. Ez nêşena çîyêk vaja.” Şarî bi zorî danî koçkerdiş
Sonmeze rijnayîşî sey rantî şinase kerde û wina va: “Tîya de awanîyê berzî û merkezê karî yenî viraştiş. Qaso ke mi dî herinda awanîyanê berzan de qereqol û qaleqolî yenî viraştiş. Tîya hişê herkesî yo. Tîya de herinda ke pawitişê nê awanîyanê tarîxîyan teşwîq bikerî, merdimî nê awanîyan ra yenî vetiş. No nîno qebulkerdiş. Ganî îqtîdar na şaşîye ra biagêro. Merdimê ke bi hawayo mecbûrî tîya de bica bîybî, nika reyna nê cayan ra yenî vetiş.”
MA/AMED