Muxabîrê Dîha Mazlûm Dolan’î ra piya 200 kesê ke bodrimanê banan de mexsûr mendî, raştê êrişê topeştişan yenê. Dewlet zey qetlîama Cizîr nika zî hewl dana kesê ke bodriman de mexsûr mendê qir bikero. Netîceyê topeştişanê vizêrî de jew ban rijiya û 7 kesî bî dirbetin. Goreyê xebera Dîha, vizêr zereyê 42 deqeyan de 100 topî erziyay. Netîceyê sereştişan de, ser qeza de dûmanê siya berz bî.
Teyareyê lej nimz ra periyay
Herema ke vengê tifingan zî berz bi de, hereketiya helîkopteran zî hayr ant. Herzewbîn vizêr goreyê seata Amed, seat 14.53î ra tepya, Sûr de teyareyê herbî nimz ra periyay. Rojanê peynî de hetê qûwetanê dewlet anonsê zey “ma dê şima pêrokînan hewa ra bombevaran bikerê” yenê kerdin.
Sûr ra mesaj esta
Rojnameger Mazlûm Dolan ke zerreyê sivîlan de yo, bi mesajan da zonayen ke zereyê 200 kesan de dirbetinî, pitikî, cenî, kal û pîrî zî estê. Dolan’î îqazê ‘beno ke tiya de zî qetlîama zey Cizîr viraziyo’ kerd û Kurdistanijan ra waşt ke bi rihê Kobanê, serva Sûr serewedarnê.
DÎHA/AMED