Taxê Alîpaşa û Lalebey yê Sûra Amedî de bin nameyê “Vûrnayîşê sûk” de jû hetî ra keye yenê rijnayîş, heto bîn ra keyeyî vera tehdîd û hêrîşan xover danê. Nê malbatan ra yew zî malbata Dûran a. Wextê qedexeyê vejyayîşê teber û pirodayîşan de, taxa Hasirli ra goçê taxa Alîpaşa amey kerdiş. Nika eynî malbat reyna bi tehdîdê rijnayîşê keye ra rî bi rî ya.
Welatijan ra Ozlem Duran zî mecbûr mend ke bi dayîka xo û 4 domananê xo koç bikero. Duran, Sûr terk nêkerd û taxa Alîpaşa de bi ca bî. Ozlem Duran vist vîrî ke polîsan înan bi darê zorî veto û dima ra mecbûr mendê û şîyê taxa Alîpaşa de bi ca bîyê. Duran, ard ziwan ke nika zî reyna bi koçkerdişî ra rî bi rî yê.
‘Ma terkkerdişê Sûrî nêfikrenê’
Dûman, pisînga xo ya bi nameyê "Kinali" ya taxa Hasirli gird kerda zî bi xo ra berdo taxa Alîpaşa. Dayika na pisînge zî wextê qedexeyan de bi guleyê polîsan ameya kiştiş. Dûran ke bi tehdîdanê “Keyeyê xo veng bikerê” ra rî bi rî ya, ferq nêfînena mavêna pisîng û domananê xo.
Dûran vist vîrî ke polîsî wazenê înan keye û taxa xo ra vejerê û wina va: “Mi heta nika qet terkê Sûrî nêkerd. Neyra tepya zî ez fikir nêkena ke terk bikera. Ma nêşkenê cayekê bînî de bicuwîyê.” Duran, ard ziwan ke pisîngê ayê nêşkenê daîreyanê apartmanan de bicuwe û vatenanê xo wina qedêna: “Him ezîyetê ma, him zî ezîyetê pisînganê ma kenê. Ma ez a ver bi kotî şora? Ma nêşonê, ma dê heta peynîye xover bidê.”
OZGUR PAKSOY/DÎHABER/AMED