Sûr de 'qedexe' yê vetişê teber roja 15. de yo. Amed de bi des hezaran şehîdê xo defin kerdî. Heta bîn ra, pirodayişê ke çormeyê Camiya Kûrşûnlû de qewimenê de 5 kesî bî dirbetin.  


Amed wayrê şehîdanê xo vejya

Çarçoveyê 'qedexe' de qezaya Amed Sûr de, êriş û înfazê dewleta tirk ramenê.  Didi welatijê bi nameyê Şerdil Cengiz û Şiyar Salman hetê tîmanê teybet perey amey qetil kerdin. Vizêr nezdiyê se hezarî kesan cenazeyê şehîdanê xo hewaday û bi sozê berzkerdişê tekoşîn defin kerdî. Verra qetlîamanê AKP, hêrsê welatijan morê xo da merasîmê cenaze. 

 Pirodayişê ke çormeyê Camiya Kûrşûnlû de dewam kenê de polîsan bi bombe eştoxan êrişê welatijan kerdî. Jew guleyê bombe eştox kewt jew keye û 4 kesî bî dirbetin. Jew welatijo bîn zî netîceyê êrişan de nezdiyê Camiya Kûrşûnlû de bi dirbetin. Kesê ke bî dirbetin, hetê şarî amey dermankerdin.


5 sivîlî bî dirbetin 

Badê definkerdişê cenazeyan, şêlig şi cayê qetilkerdişê gencan û vinderdişê hurmet girot. Ewja ra zî şêlig serva tewrbiyayişê kombiyayinê HDP hetê Ofîs kewt ray. La polîsan bi bomeyanê gaz êrişê welatijan kerd. Dûstê êrişî, welatijan destpa xoverdayin kerd. 


‘Teslîm mebi, xover bide’

Badê qedînayişê kombiyayinê HDP şar û parlamenterî hetê meydanê Şêx Seîd kewtî ray. Şaro ke slogananê 'bi xoverdayiş ma dê serkewê', 'teslîm mebi, xoverdayiş rê dewam' berz kerdî berz kerdî, rexmê hewildayenê manîkerdin nûmayişê xo ramitî. 


Nisêbîn kepeng nêakerd

Qezaya Mêrdîn Nisêbîn de zî 'qedexe' yê 6. û terorê dewleta tirk rameno. Qeza de esnafan kepengî nêakerd.

Mehleyanê Nisêbîn Andulkadîrpaşa, Yenîşehîr, Dîcle û Firat de vengê tifingan nêbirniyeno. Herzewbîn nê mehleyan de welatijî zî verra teror ser payan de yê. Esnafê qeza zî serva protesto kerdişê terorê dewlet dikanan nêkerd a. Nûmayişê protestoyî yê welatijan qeza de ramenê. Wesayitê ke ser ceddeyê Çagçag, meydanê newroz, nêweşxaneyê verên û raya Îpek de amey bica kerdin ra, gule erziyay. Şar zî verra êrişan xo pawit. Vizêr seatanê sodir de zî ser ceddeyê Çagçag de teqînayiş bi. Badê deqînayiş polîsan mehleyî day ver adir. 


Kerboran de zî teror

Qezaya bîn yê Kerboran de zî 'qedexe' rameno. Çeteyanê AKP vizêr nê perey gule rijna welatijan ser û çend kesan kerd dirbetin. Ceniya Sacîde Gezgîncî, a ke maya 4 qeçikan a, qolê xo ra bî dirbetin û hewadiya nêweşxaneyê Dîcle yê Amed. Rexmê pêrokîn mudaxaleyan Gezgîncî qolê xo yê çep kerd vinî. 

Heta bîn ra hemserokê HDP yê Kerboran Yasîn Tûran ame binçimkerdin û vejya verniya mahkeme. Tûran bi îdiayê 'heqaret kerdenê reîs-cûmhûrî' ame tepişten.


Cizîr de nûmayişê protestoyî

 Ablûqa yê dewlet, qezayê Şirnex Cizîr û Sîlopya de zî rameno. Cizîr verra polîtîkayanê îmhayê topyekûn yê dewlet werziya serhewedayin. Qeza de, polîsan jew doman-qeçeko 11 serrî kerd dirbetin. Sîlopya ra zî mesajê xoverdayiş benê berz. 

Cizîr de badê 'qedexe' yê 5. şar vejya meydanan û nûmayişê protestoyî viraşt. Mehleya Cûdî de zî welatijan nûmayişê veng vetiş viraşt. La polîsan qeçekê 11 serrî Ferhat Taniş hedef girot. Taniş o ke serreyê xo ra derbe werd giran bi dirbetin û hewadiya nêweşxane yê Şirnex. Talokeyê merdiş yê Taniş'î dewam keno. 


Fermanê qetlîaman Erdogan dano 

Qezaya bîn yê Şirnex Sîlopya de zî şar 'qedexe' yê dewlet nêsilasneno û kuçeyan terk nêkeno.  Welatijê ke verra 'qedexe' barîqatî ronay, nobed gênê. Ceniyê ke xoverdayişî rê rayverîn kenê, damûsnenê ke, îye de heta peynî xover bidê. 

Ceniyan ra Hayriye Tongûç aşkere kerd ke, êrişê verra Kurdan bi fermanê Erdogan'î yenê ca.Tongûç venga berzkerdişê tekoşîn da. 

Heta bîn ra, dewlet qeza de mekteban açarnena cayê qişle û sewqiyetê eskerî kena. Herzewbîn dewa Duzalan ya nezdiyê koyê Cûdî de zî hadreyinê eskerî estê.  


 DÎHA