Mamoste ewdila bajarê kurdistanê de mamostayîye kerdêne. Mamoste ewdila xo rê kurd bî û bajarê xo de xebîtîyêne. Wendegehê mamoste, wendegehê dewlete bî. Mamoste hem wendegehê de mamostayîye kerdêne hem zî perwerde û kulturê kurdan ser xebîtîyêne. Dewlete rewse mamoste zanane ne ridî ra zî qayil bi ke mamoste ewdila mamostayîye ra berzê. La ê karê ke mamoste kerdêne çîyê ke xedexê nêbî. Her xebatê xo bi usulê kerdêne. Bi rastî zî mamoste xeylek welatperwer bî. Hemê xebatê ey zî bi welatperwerî kerdêne. Heto bîn ra mamostayîye wendegehî êy zî zaf hol bî. Hemê wendekarane wendegehî mamoste ra zaf heskerdêne. Yew roje mudure wendegehî mamoste ewdîla venda odeya xo. Mamoste rê yew teblîgat da û wina va; no teblîgat enqera ra ame, wezîrîye perwerdeyî tirkîya to surgun kerd yewna bajar. Mamoste pers kerd qey wina bi sucê mi cîyo? No qerar bi huquqî yo. Ez no qerarî rê îtîraz kena û odeya mudurî ra vejîya teber. Xo ra mamoste zanane ke semedê welatperwerdeyîye êy wina kerdi bî. Mamoste ewdila sendîkayê perwerdeyî de bî. Qerar girewt si sendîkayê xo û pê embazanê xo sî hetê avûkate sendîka. Avûkate de qal kerd û semedê îtîrazî qale xo kerd yew. Teblîgatê ke mamoste ra amebî goreya êy gereka mîyane 15 roje sîyero caye surgunê. Avûkat îtîraz kerd la mamoste ra wina va; gereka to sîyero caye surgunî heta ke dadgehê ra qerarê bivejîyo. Mamoste cinîya xo û qicanê xo ca verda û sî caye surgunê. Caye surgun bajarê tirkan bî. Wendegehe êy zî qezaye bajar de bî. bi mecburî sî wendegehe de destpekerd. La mîyanê cend roje de surgunê mamoste ewdila qeza de eskera bî. Hem wendegehe de hem zî tebere de her kesî bi cimanê hêrsin ewnîyenî mamoste ra. Cunkê dosyayê êy de sebebê surgunê êy kurdatî ser nusiyay bî. Mamostê xo nê rewsan ra hedrê kerdî bî. Heverî xo rê keyeyê mamoste de vindertêne la bade eskera biyayis o ca ra vejîya. Mamoste bi zorî xo rê yew keye dî û kîra kerd. La çend sewe verê pencereya êy de taye merdîman gerayanê bî. Bade des roje taye merdîman ramitî keyeye mamoste ser. zereye keye de mamoste xeylek kuwayêne. Mamoste bade no herîsî si qerekol û nê merdiman gerre kerd la teba nêvejîya; Na mersila ra pê Mamoste ewdîla bine tehlûke de bî. Bade cend asme ra îtîrazê êy qabul bî û peyser ame welatê xo. Mamoste ewdila babetê surgunî ser teyna yew numunê yo. La tarîxe kurdan ra dewlet her wexte wîna kerda. Zafîyer kurde bi sebebî ceza girewt û caye xo ra surgun bî. Surgun semedê her kesî îskenceya zaf giran o.
Meseleya surgunî nîka zî winayo. Dewleta Tirkîya sey her wextî reyna mamosteyan girewt hedefê xo. Mamosteyan ke bajarê kurdan de xebîtîyenî û pêbesteyî egîtîm senî înan ra yew henzar mamosteyî surgun kerd. Dewleta tirkîya çi qeydê ra wina kena? Verê rosanê yew henzar merdîm cayanê xo ra cîya kena? qey nê mamosteyan bajaranê tirkîya ra vila kena ? No zulmê ke dewlete tirkîya mamosteyanê kurdan ser o keno newe yew çi nîyo, bade derbeyî kam mamoste ke mîyane tekosîn de yo, kam mamoste ke muhalîfo, kam mamoste ke verê polîtîkaya dewlete de yo û cîyo muhîm kam mamoste ke mîyanê sendîkayan de xebîtîyeno û raharê azadîye de yo, dewlete hemê înan girewt hedefê xo. Derbe ra dima bi mexneyê ohalî ra bi hezaran mamosteyan mamostayî ra girewt. Nê mamosteyan ra zafîn mamostayîye ra îhrac kerd û xeylek mamosteyî zî tepîya girewt mamostayî. E mamosteyan ke îhrac bî taye xoverrodayîsê xo canêverda, zaf bajaran de calakîye bi roje û sewe kerdî. Taye mamosteyan zî ne rewse qebul kerd sewbîn gureyan de destpêke xebitiyayis kerd. yew serre ke rewsa mamosteyanê îhrac kerdeyî wina bî. La yew serre ke ê mamosteyan ke tepiya gîrewtî gure înan zî dewlete rehet nêverda. heme nê mamosteyan hetê dewlete tirkîya teshîr bî û cimanê dewlete de nê mamosteyan terorîstî bî. Xo ra nêwedaritisê ohalî ra belî bi ke hama zulmê dewlete dewam kena.