Azayê Komîteya Navendî yê PKK Muzaffer Ayata aşkere kerd ke mezgê Erdogan û DAIŞ yew o û vat ke AKP semedê ke kurdî nêbî wayîrê statuyek hewl dana ke Sûrîye de qirkerdişê newe bikero, la heme dinya paştî danî PYD.
Azayê Komîteya Navendî yê PKK Muzaffer Ayata derheqê polîtîkayê AKP yê Sûrîye, konseptê lejî yê Kurdistan û sewbîna babetan ser o vînayîşê xo ard ziwan.
Mezgê Erdogan û DAIŞ’î yew o
Ayata’yî da zonayen ke eke ewro DAIŞ Mûsil û Sûrîye de dewleta şerîatî îlan bikero, Tirkîya do dûstê aye nêvejyo û wina verdewam kerd: “Çimkî mezgê Erdogan û DAIŞ sey yewbînan î. AKP seba ke vernî girewtişê statuyê kurdan yê Sûrîye zereyê hewldayîşî de ya. Seba çi AKP dûştê rayvistişê ereban, cîhadîyan hende bi hêrs nîya, qey nînan bi taluke nêvînena û kurdan ra eciz a? Kurdan vera Tirkîya şer û hêriş nêkerdo, eksê ci de her tim vatî ma wazenî bibî dost û pîya bicuyî. Labelê Erdogan nêwazeno na raştî bivîno.”
Erdogan faşîstî keno
Ayata dergeyîya qalîkerdişê xo de ard ziwan ke adirbest, hewldayîşê çareserî, dîyalog û tewr peynî Mutabakatê Dolmabahçe de çekûya kurd daxî çinêbi û madeyê demokratîk estbî û wina domna: “La red kerdî, çimkî nêwazenî bîyayişê kurdan meşrû bibo. Ger ke kurdan sey şarî bişinasnaynê, vera PYD, PKK û HDP hende dişmenîye nêkerdê. Çîyê ke kurd wazeno demokrasî, azadî, rengînî û zaf hetî yo û seba heme Tirkîya rind o. Çîyo ke Erdogan keno, faşîzm o.”
Bi bombekerdişî Tirkîya vernîya adirbestî gêna
Ayata qalîkerdişê xo de hayr ant bombevarnayîşê AKP ya Rojawanî ser û wina vat: “Tirkîya bi bombekerdişê Sûrîye vernîya adirbestî gêna û sey mehne zî dekewtişê PYD a Ezazî nîşan dana. To rê çi, gelo Ezaz keyeyê to yê tapûkerde yo, lejkerê to weyra de estî? Nê. Weyra de herinda El Qaîde do PYD bi ca bibo. Erdogan vano; ‘Rûsya û Amerîka paştî danî PYD, rayna hêzê serdest paştî danî PYD.’ Semedê ke Rûsya, Sûrîye û Amerîka vanî; gefê sifteyîn yê dûştê merdimîye DAIŞ o. Rewşêke wina de paştîdayîşê înan a hêzê ke danî DAIŞ ro, normal o. Bêxera çinîkerdişê kurdan ti xetêke bîn a dewleta tirk çin o.”
Eke firsend bivînê bi des hezaran kurdan qetl kenê
Ayata da zanayîş ke, e ke dewlete fersend bivîno do bi des hezaran kurdan qetl bikero û wina va: “Xora nika kenê zî. Wextê weçînayîşî de ma hêrişê dijî HDPe dî. Mîyanê di şewan de çarsê bînayê HDPe veşnayî. Ka ma musilman bî, ka ma birayê yewbînan bî? Hêzê dewlete tabloyêke wina de nêşkenî şer bikerî. Ger şer bikerî zî nêşkenî encam bigîrî. Beşdarbîyîşê şerî qîm nêkeno, ganî merdim bişînbo ti ra bivejîyo zî. Nika nêzanî do senî bivejyî. Kurdî Rojhelato Mîyanên de hêzê tewr muhîm î.”
Dewlete vînî kerd
Ayata derheqê dekewtişê artêşa Tirkîya miyanê Sûrîye ser o zî qisey kerd û aşkere kerd ke dekewtişê Tirkîya zehmet o. Ayata wina dergî da qalîkerdişê xo. “Eke mesele tena kurd bibînê Tirkîya do bikewtê Sûrîye û bi teknîkê destê xo sey bombevarnayîşê Sûr û Cizîrî, sûkê kurdan ser înan de biardênê war. La serkewtiş çîyo ke cîya yo. 80 rojê xoverdayişê Sûr’î damusnayo ke dewlet ser nêkewta, xeylê dekewta tengî û zaf merdeyê dewlete estî. Şarê Hezexî vano; wa dewlete nêkewo taxanê ma û yeno vatiş ke goreyê hûmara fermî çar hezar tîmê taybet û wesayîtê zirxî yenî xebetnayîş. Hetê ci de ger ke hûmara cerdewan, ajan û azayê îstîxbaratî zî bêrî hûmaritiş, o çax hûmar vejyeno se qatê ci.”
ANF/BEHDÎNAN