Sas bî! “Ma na nêpîtenê” vat. Dima kombiyayîs sero kombiyayîs virast.
Eskerî, siyasetvanî û MÎT ameyî têlewe. Pêro motê jûvînî bî, sas bî.
Reaksiyonê serokwezîrê tirk naye nîsan dano.
Eke caye de vengê Kurdan vejiya, alerjiyê xo beno berz. Her cayê xo qurçî kenê.
Qesey kenê, tehdît kenê.
Rojavayê Kurdistan de Kurdan zaf baqil hereket kerd. Anqara qayde kewte.
Kurdan bi muxalefetê Suriye yê faşîst ra hereket nêkerd. Çike zelal bî, muxalefet Esad ra 7 qatî tenena dîktator û kanperest o.
Muxalafetê verva Esad tam jê tayê rêxistinanê çepan yê Tirkiye yê serranê 70 hereket keno.
Rêxistinanê tirkî vatenê, ma vercoy piya şoreşê Tirkiye bikeme, dima heqa Kurdan sero qesey keme. Nika tayê rêxistinê çepî yê tirkî bî ergenekonîstî, bi qetilkaranê Kurdan ra ameyî têhet.
Rind ke hereketê serbestiye yê Kurdan gos ro nînan nêna, raya xora şî û peyniye de bi na game kewt ser.
Nika muxalefetê verva Esad vano ‘ala reye ma Esad dêmdîme, dima mesela Kurdan sero qesey keme”
Kurdan na famkerde, nejdiye na muxalefetî nêbî. Rind kerd!
Hama Kurdî tolnêvinetî, amadekariya xo kerde û roza xo pîte.
Seweta kesê bînî nêmerdî.
Waxtoke rojavayê Kurdistan de Kurdan sukî guretî xo dest, xoseriye rê gamêna bî nejdî, tewraniye Anaqara gurete. Waxtêtede seke siyasetvananê başurê Kurdistan ra milqî û dismeniye kerdenê, nika bi aynî polîtîka siyasetvanê rojavayî xorê kerdê hedef.
Biyarîme xo vîrî! Serokkomarê tirk Abdullah Gul, siyasetvananê başur ra vat bî “nî postalan lêsenê.”  Sermiyananê tirk her tim Kurdan rê heqeret kerd.
Kurdî naye gune xo vîra mekerê!
Nika siyasetvanê tirkî postalan lêsenê. Seweta her çî sonê Hewlêr. Barzanî ra verva Kurdanê rojavayî yardim wazenê, postalan lêsenê. Rind!
Sonê Washîngton, Berlîn, Londra, Parîs seweta çekan postalan lêsênê.
Sonê Danîmarka seweta ROJ TV postalan lêsenê.
Sonê kombiyayîsê Nato postalan lêsenê.
Bilêsê bawo bilêsê’ Hona xêle surprîzî estê!
Jû, dî, jûna jûna Kurdîstan!