Teq vat vejiya ame, çalakiyê Gezî Park.

Xebera keşî çînebiye. Esqê dormî xafilde vejiya meydan.
Însanan wastenê daru bisevknê, zerguniye biseveknê. No çalakiyo niyanen seweta Tirkiye çiyode newe bî.
Bi serran dewleta terorîste Kurdîstan de birrê ma sana adirî ver, însanê tirk ra pize nêvejiye.
Bi serran dewleta terorîste koyê ma bomba kerdî, darê ma, teyrê ma vêsnayî, însanê tirk ra veng nêvejiya.
Eskeranê dewleta terorîste hetê Wan de 34 astorî qersune kerdî, însanê tirk ra onca veng nêvejiya.
Yanî demo ke dewleta terorîste xozayê Kurdîstanî vêsnenê, riznenê, qomê na dewlete çekuya protesto nasnêkerdenê.
Waxto ke dewleta terorîste 28ê gaxane yê serra 2011 Roboskî de 34 domonê kurdî qirkerdî, însanê tirkî xorê serra newiye kerdenê bimbarek.
Gorê qomê tirk zî dewleta xo verva “terorîstan” dênê pêro.
Dewleta terorîste her dem seweta kerdena xo ya qilêrine çekuya “terorîst” arde kar û naye de kewte ser zî.
Çep, rast hama hama pêro niya bî. Însanî kerr, lal û kor bî.
Verva zulm û zorvajiya dewleta terorîste qomê tirkî bêveng mend. Hata Çalakiyê Gezî Park.
Rind ke no hal nika hebe vuriya.
Omid bikerîme ke, na hesar biyayene niya devam kena. Teyna bi Gezî Park nêmanena.
Pekî kamî na hal vurna?
Na hal onca kurdan vurna û tirkî hesnayî pê.
Çitur?
Gerîllayanê Hereketê Serbestiye yê Kurdî herb vindarna.
Çike hata nika pêro hukumatanê tirkî en lewnayîso qickek bîle kurnike de xenekitenê.
Rind ke nika herb çîno. Bi na tore qomê tirkî besekeno dewleta xo ya terorîste hebe naskeno.
Rind ke qomê tirkî yeno ra xo ser û dewleta xo ya qetilkare nejdî ra naskeno.