31ê Gulane 2013î de Stenbol de bi mîlyonan hemwelatîyî semedo ke wayîr warê cuye û kulturî bivejîyê, xoverdayîşê Parka Gezî daybî destpêkerdiş. O wext ra nata Taksîm de polîtîkayê betonkerdişî dewam kenî. Şaredarîya Bajarê Girdî ya Stenbolî ro Kuçeyê Îstîklalî de çalê înşatî akerdî û xebatê adayîşî serra 2016î de aşma kanûne de daybî destpêkerdiş, tesîrêko negatîf serê hemwelatîyan de keno.
Şaredarê Bajarê Girdî yê Stenbolî Kadîr Topbaşî 2005 de vatbî 'Kuçeyê Îstîklalî semedê warêko rehet ê rayşîyayîş bibo û semedo ke îmkanê ma yê hîrakerdişê kuçeyî çin o, darê ke benê asteng ma do wedarnê.' Nika kuçeyê Îstîklalî ageyrayo warê înşaatî. Hemwelatîyê ke kuçan de rayîr şinê, zehmetîyan ancenê. Beyoglu semedê xeylê hemwelatîyan talanî ra ver cayê sînema, tîyatro, AKM, kitabxane û aktîvîteyê kultur û hunerî yê wendekaran ameynê zanayîş.
'Kuçe açarnayê warê înşaatî'
Kuçeyê Îstîklalî de vurnayîşê Sînemaya Emekî, bin nameyê vurnayîşê bajarwanî de vilakerdişê Tarlabaşi, Kişlaya Topçu ke Parka Gezî de yena viraştiş, vilakerdişê AKMyî û dimayê nê projeyan ame eşkerakerdiş ke yeno waştiş bikerê Merkezê Opera. Kuçeyê Îstîklalî ke bi esnafanê xo yê qijî yeno zanayîş, înşaatî ra dima faelîyetê xo vinî kerd. Nê rojan de germbîyayîşî dir merdimî nêeşkenê Beyoglu de boya xo bidê. Warê Taksîmî de hetê Şaredarîya Bajarê Girdî ra zî semedê betonkerdişî xebatê girsî yenê kerdiş.
BENGÎSU KOMURCU / STENBOL