Êlih de virazîyayîşê Barajê Ilisu ver Heskîfo ke wayîrê tarîxê 12 hezar serrî yo, yeno rijnayene. Çarçewaya rijnayîşî de tayê eserê tarîxî zî kirişîyenî sewbîna cayan. Heta nika Turbeya Zeynelbeyî û Hemamê Arkoparke kirişîyayî û nika zî Turbeya Îmam Abdullahî yena kiriştene. Hetkarê Mudurê Karê Awe yê Dewlete (DSÎ) Murat Dagdevîrenî va ‘Heskîf de do 5 eserê bînî zî bêrî kiriştene. Karê ma yê tîya do bidomîyo. Tîya de xebatê ma yê pirrkerdişê şikeftan û seba resnayîşê neslanê ameyoxan do dewam bikerê.” Welatîyî beşdarê îzehetî nêbîyî. Ame musayene ke çend rojî ra dima dest bi kiriştişê Turbeya Îmam Abdullahî zî bêro kerdene.
MA/ÊLIH